T’i edukosh nxënësit mbi Inteligjencën Artificiale (AI)
Mësuesit mund t’i përdorin këto burime për të modeluar përdorim të përgjegjshëm të AI dhe për t’u treguar nxënësve si të eksperimentojnë me përgjegjësi me teknologjinë.
Nga: Rachelle Dené Poth
Mësuesit duhet të rrinë të informuar, në rrjedha si dhe t’ia prinë trendit (po qe e mundur) kur bëhet fjalë për teknologjitë në zhvillim. Kjo bëhet duke nxitur zhvillimin e aftësive të përdorimit të AI. Të jesh i ditur mbi AI do të thotë më shumë se të dish ca gjëra bazë për teknologjinë, më shumë se të dish ç’do të thotë machine learning apo algoritmet. Dituria mbi AI përfshin njohuritë e përdorimit të saj në botë dhe vetëdija ndaj elementeve etike që lidhen me përdorimin e saj. Edukimi mbi AI duhet të përqendrohet në zhvillimin e aftësive për të vlerësuar në mënyrë kritike informacionin dhe përmbajtjen e dhënë nga AI, si dhe për të dalluar informacionin e rremë. Mësuesit poashtu duhet të dinë si të përdorin AI në mënyrë të sigurt, etike dhe të përgjegjshme dhe të krijojnë shembull për përdorim për studentët.
Atëherë, nga t’ia filloni mësimit të aftësive të përdorimit të AI?
Prezantimi i koncepteve të AI në një moshë të hershme u jep studentëve mundësinë të ndërtojnë njohuritë dhe aftësive e tyre me kalimin e kohës. Me studentë më të rinj, fillohet me bazat e AI, p.sh. bazë llogaritet tema se ku e gjejmë përdorimin e saj në jetën e përditshme. Vazhdoni me përkufizimet kyçe dhe gjeni burime të cilat janë të vërtetuara e të sigurta për përdorim për nxënësin dhe mësuesin.
Modelimi i përdorimit të AI në klasë: Ndërkohë që i mësojmë fëmijët për AI, ne mund t’i angazhojmë ata në aktivitete ku ata vlerësojnë imazhe, tekste ose video dhe gjejnë nëse ato janë të krijuara nga AI ose në janë të vërteta. Për shembull, unë kam përdorur disa vegëza mësimore në formë loje, si Quizizz.AI (https://quizizz.com), për të krijuar një kuiz që të kontrolloj të kuptuarit e studentëve të koncepteve të shpjeguara. Tjetër vegëz që kam përdorur është Eduaide.AI (https://www.eduaide.ai/), me të cilën kam krijuar një mësim ose aktivitet të lojëzuar që lidhet me njohuritë mbi AI.
Eksplorimi me qendër studentin: Përtej disa vegëzave fillestare që ofrojnë mundësi për t’i vlerësuar studentët dhe që ndihmojnë në mësimin e personalizuar, është e rëndësishme të lihet kohë për diskutime the të krijohen mundësi për studentët që të eksplorojnë llojet e ndryshme të AI. Ne duam t’u ndihmojmë studentëve të zhvillojnë aftësitë e tyre dhe të informohen më mirë përballë rritjes së hovshme të digjitalizimit dhe AI në botë. Me këtë qëllim, ne mund t’i angazhojmë ata me ndërveprim me chatbot-a (program kompjuterik i dizajnuar për të simuluar bisedë me njerëz në internet), me testim të disa formave të AI gjenerativ ose me përdorim të vegëzave të tjera të krijuara nga AI.
Ne kemi përdorur një vistër burimesh nga organizata të tilla si MIT Literacy Units for K-12 (https://raise.mit.edu/resources/). Kampanja e tyre RAISE (Përdorim i përgjegjshëm i AI për Fuqizim dhe Edukim Social) ofron burime për të gjitha grupmoshat të cilat janë specifike për zhvillimin e aftësive të përdorimit të AI.
Të gjitha këto mundësi ofrojnë një larmi përvojash dhe burimesh që lidhen me mësimin e AI. Ndërsa fillojnë të përdorin mjetet e ndryshme, ose edhe të ndërtojnë chatbot-in e tyre, ata do të vazhdojnë të zhvillojnë aftësitë e tyre në AI. Këto mundësi përmirësojnë edhe më tej të kuptuarit e tyre në mënyrën se si funksionon AI, rëndësinë e ruajtjes së të dhënave personale dhe si të vlerësojnë informacionin që marrin.
Të japësh mësim rreth AI: Në të shumtën e rasteve, unë si pikënisje u shfaq studentëve ndonjë video për të ndezur bisedën me ta dhe t’u ofrohet një pasqyrë fillestare e asaj që është AI, por edhe për të kërkuar mendimet e tyre. Nga seritë më të shpeshta që ne përdorim është The Crash Course AI (https://www.youtube.com/watch?v=a0_lo_GDcFw)), që ka disa video të qarta dhe bashkëvepruese e që përfshijnë elementet kyçe të AI. Për nxënësit më të ri, unë rekomandoj serinë e videove What is AI: Artificial Intelligence Facts for Kids. (https://www.youtube.com/watch?v=pv9GF281Dp0) Këto video janë pikënisje të shkëlqyera për të mësuar rreth AI dhe për nxitjen e kureshtjes te nxënësit.
Nearpod poashtu ofron mësime mbi termat kyçe që lidhen me AI, të tilla si algoritmet dhe machine learning (https://nearpod.com/t/search?q=Artificial%20intelligence&g=1&s=1), si dhe mësime të tërthorta. Brenda këtyre mësimeve interaktive të Nearpod, mësuesit mund të shtojnë pyetje që fokusohen në kontrollimin e të kuptuarit të studentëve të funksionimit të AI.
Përdorimi i SchoolAI (https://schoolai.com/) u mundëson studentëve të ndërveprojnë me një chatbot, të flasin me një figurë të famshme historike, ose të ndërveprojnë me një asistent të AI. Pavarësisht a zgjedhin mësuesit chatbot-ë të gatshëm ose i krijojnë ata vetë sipas veçorive të studentëve të tyre, ky proces i ndihmon studentët të ndërtojnë njohuritë e tyre për përmbajtjen dhe mënyrën si ata ndërveprojnë me AI.
Këto burime në internet mund t’i ndihmojnë mësuesit të ofrojnë përvoja të fuqishme të të mësuarit për studentët, nga dija bazike për AI, deri te të kuptuarit e parimeve të projektimit të AI, deri te njojha e ndikimit potencial të AI në shoqëri. Përtej mjeteve të disponueshme, mësuesit mund të hartojnë aktivitete që angazhojnë studentët në duskutime dhe debate, duke u kërkuar atyre të aplikojnë dijen e fituar dhe të marrin në konsideratë këndvështrime të ndryshme.
Aktivitetet shembull mund të përfshijnë studentët që të angazhohen në debate mbi etikën e AI, krijimin e një produkti të mbështetur nga AI dhe aftësinë për të shpjeguar qëllimin e tij, pjesëmarrjen në simulime duke përdorur mjetet e AI për të zgjidhur problemet e botës reale, ose zhvillimin e modeleve bazë të AI për të kuptuar potencialin e teknologjisë dhe kufizimet. Përvojat e drejtuara nga studentët si këto i përgatisin studentët në mënyrë akademike, por edhe etike, duke u mundësuar atyre të lundrojnë me përgjegjësi në të ardhmen e drejtuar nga AI.
Dija mbi AI është kritike sepse i fuqizon studentët me njohuri dhe aftësi për të lundruar në peizazhin në rritje të AI, i cili do t’i përgatisë më mirë ata për karrierat e ardhshme, shumë prej të cilave do të kërkojnë teknologji të AI.
Burimi: Edutopia
Autori: Rachelle Dené Poth
Rachelle Dené Poth është konsulente e teknologjisë, prezantuese, avokatore, autore dhe mësuese. Ajo është mësuese e gjuhës spanjolle, si dhe ligjëron temën: “STEAM: çka vjen pas në teknologji” në një shkollë të mesme në Oaknmont, Pensilvani. Rachelle ka marrë titullin doktor në Fakultetin Juridik të Universitetit Duquesne, si dhe ka një master në teknologjinë mësimore. Ajo është edukatore e çertifikuar nga ISTE dhe ka titullin Ekspert i Microsoft-it në edukimin inovativ. Ndër tjerash, ajo është autore e shtatë librave, kolumniste, blogere dhe autore e një podcast-i.
Përktheu: Festim Klinaku, Prinderimi.com
