Para se të përmend mënyrat dhe metodat të cilat mund ti përdorim në trajtimin e agresivitetit te fëmijët, dëshiroj të nxjerr në pah rezultatin e një studimi:
Agresiviteti te fëmija paraqitet në moshën tre vjeçare. Në moshën katër vjeçare ai është kryesisht i sjellshëm me tjetrin, në moshën tetë ose nëntë vjeçare ai e ka sjelljen goxha mirë nën kontroll. Tani nëse fëmija arrin dhjetë vjet, mirëpo ende ka një prirje të qartë për të qenë agresiv, familja duhet ta marrë këtë mjaft seriozisht para se të bëhet një koncept i vendosur në karakterin e tij. Më poshtë po jap disa këshilla se çfarë duhet të bëjnë familjet lidhur me këtë problem.
Një atmosferë e paqes dhe sigurisë
Përpjekja kryesore që duhet të bësh në familje është zhvillimi i një atmosfere të qetë dhe paqësore, e cila do të jetë shumë e domos- doshme për fëmijët. Në një atmosferë të tillë prindërit i kuptojnë dhe i çmojnë nevojat e fëmijës, dominojnë parimet dhe morali islam dhe synohet të sigurohet mirëqenia dhe lumturia e fëmijës. Disa aspekte të asaj atmosfere janë:
– Një aspekt i rëndësishëm për një mjedis të mirë është kujdesi për nevojat e fëmijëve dhe kënaqja e disa dëshirave të tij pa e tepruar. Shumë të rinj devijojnë shumë nga rruga e drejtë pa ditur prindërit asgjë për këtë. Sa i përket kënaqjes së dëshirave të tyre pa teprim, kjo i përmbush dy aspekte të rëndësishme në të njëjtën kohë.
Kjo i jep fëmijës një ndjenjë të lehtësisë dhe rehatisë në njërën anë dhe e bën të vetëdijshme se gjendet një autoritet kontrollues, i cili kontrollon çdo prirje të tyre për shkujdes dhe shkelje. Ekstremi, qoftë në kënaqje të dëshirave të tyre ose në disiplinim, rezulton në rritjen e mundësisë që fëmija të devijojë.
Ekzistojnë dëshmi të mjaftueshme shkencore se televizori sot është një burim kryesor i zhvillimit të trendit të dhunës dhe agre- sionit te fëmijët. Për rrjedhim është me rëndësi të monitorojmë me kujdes atë që fëmijët tonë e shikojnë. Sot kemi shumë kanale të mira në televizor për fëmijë, elhamdulilah, edhe pse kemi nevojë edhe për rë tjera.
Prindërit kanë nevojë të mbushin fëmijën me ndjenja të ngrohtësisë dhe simpatisë në një mënyrë praktike duke e përqafuar, puthur, lavdëruar dhe duke i thënë fjalë të buta. Tani është fakt i njohur se mënyra më e mirë për të pasur një fëmijë të dinjitetshëm dhe të sjellshëm është duke e trajtuar në një mënyrë të dinjitetshme dhe të respektueshme.
Prindërit duhet të punojnë së bashku për t’i mbajtur mospajtimet e tyre në nivelin më të ulët të mundshëm. Kjo është e domosdoshme kështu që fëmijët të mos mësojnë të bëjnë polemika dhe t’i lëndojnë ndjenjat e tjetrit. Tani është vërtetuar se një fëmijë i cili është dëshmitar i një grindjeje të dhunshme midis prindërve të tij do të ketë ndjenja të frustrimit dhe frikës. Me kalimin e viteve ata do të fillojnë të përdorin fjalët e njëjta agresive që i kanë dëgjuar nga prindërit dhe do të përsërisin të njëjtat mënyra të lëndimit të të tjerëve, që i kanë parë më herët.
Fëmija posedon një energji të madhe e cila duhet të shfrytëzohet. Mosshfrytëzimi i kësaj energjie në mënyrë të duhur do të çojë fëmijën ta shfrytëzojë atë në mënyrën e gabuar. Ka dëshmi të mjaftueshme se loja është mënyrë ideale e shfrytëzimit të energjisë së fëmijës. Prandaj, nëna ka nevojë të caktojë një vend të përshtatshëm të shtëpisë për lojën e fëmijëve. Disa shtëpi kanë shumë orendi shtëpiake, dekorime etj., të cilat pengojnë lojën e fëmijëve Gjithashtu është me rëndësi që fëmijët të kenë shansin të luajnë jashtë shtëpisë, në parqe të sigurta dhe të rregulluara mirë, në parqe të lodrave dhe në klube sportive. Është më mirë që fëmija të luajë me fëmijë më të mëdhenj se ai, sepse do të zvogëlojë agresivitetin e tij dhe i jep mundësinë të mësojë gjëra të reja dhe të mira.
Përforcimi i sjelljes paqësore
Shpërblimet gjithmonë mund të luajnë një rol jetik në stimulimin e fëmijës për të bërë atë që në dëshirojmë ta bëjë dhe të abstenojë nga veprat që ne nuk dëshirojmë t’i bëjë. Babai i thoshte të birit të tij agresiv: “Më shiko biri im, pse nuk shkon të luash me kushëririn tënd? Nëse mund të luash me të pa u grindur, do t’ju dërgoj në parkun e zbavitjes.”
Një baba tjetër i thoshte të birit: “Çdo ditë që kalon pa pasur ndonjë ankesë nga nëna jote për ty, do të marrësh një plus dhe nëse i fiton pesëdhjetë plusa në njëqind ditë do t’ju blej një biçikletë.”
Kjo metodë i dha frytet e saj, i biri e përmbushi kushtin dhe fitoi shumë pluse dhe pas gjashtë muajsh, fëmija ishte një person tjetër. Është me rëndësi që prindërit të vëzhgojnë sjelljen e fëmijës së tyre agresivë dhe sa herë që shohin ndonjë sjellje pozitive dhe të qetë të tij ta lavdërojnë, inkurajojnë dhe t’i japin dhuratë.
Mbyllja e syrit
Mbyllja e syrit ndaj asaj që dikush e bën është metodë shumë efektive në raport me të rriturit dhe fëmijët. Sa i përket fëmijës agresiv, mbyllja e syrit ndaj sjelljeve të tij agresive ka efekt në zvogëlimin e shpeshtësisë së tij. Kjo është meqë fëmija i cili bën agresion ndaj dikujt shpesh shtyhet nga dëshira për të tërhequr vëmendjen e të tjerëve dhe për të dërguar një sinjal se është i fortë dhe meriton trajtim të veçantë. Përveç mbylljes së syrit ndaj fëmijës agresiv, do të ishte ide e mirë të tregohet kujdes për fëmijën, i cili pëson nga agresiviteti dhe ta ngushëllojmë atë. Kjo do ta bëjë fëmijën agresiv të shohë favorin që e ka fituar fëmija i dëmtuar.
Përgatiti: Prinderimi.com
Autor: Prof. Dr. Abdul Kerim Bekkar, “Problemet e fëmijëve”
