Një njeri me vlerë, i pashoq dhe i pazëvendësueshëm.
Kë shikoni kur i hidhni vështrimin njeriut të vogël që keni në prehër? Një prej mijëra fëmijëve që lindin çdo ditë? Apo dikë të pashoq, vendin e të cilit nuk mund ta përmbushë askush tjetër në këtë botë?
Kur e shikoni, flisni me të, ndërtoni një marrëdhënie apo nga timbri i zërit, fëmija kupton nëse është i veçantë, i pazëvendësueshëm, ose është një nga dhjetëra, qindra apo mijëra.
Si prindër është shumë e rëndësishme të dalloni dy gjëra:
1. E shikoni vërtet si diçka me vlerë fëmijën tuaj?
2. I bëni fëmijët të ndiejnë se kanë vlerë?
Fëmijët që kuptojnë se janë të vlerësuar në familje, fillojnë të zhvillohen fizikisht dhe mendërisht. Fëmijët që nuk ndihen të vlerësuar në familje, kanë frikë të tregojnë vlerësim kur kanë prindërit. Prindërit kanë frikë se fëmijët bëhen të pabindur. “Mos i përkëdhel shumë se llastohen.” është këshilla themelore e sjelljes për ta.
E vërtetë është që çdo njeri është unik në llojin e vet, por vlera e çdokujt formohet e zhvillohet në marrëdhënie me të tjerët. Njësoj si gishtat e një dore. Gishti i mesëm mund të jetë më i gjatë se të tjerët, por kjo nuk do të thotë se ka më shumë vlerë se të tjerët. Pa të tjerët, gishti i mesëm nuk ka asnjë vlerë. Çdo gisht i dorës ka një vlerë të vetën, ndërsa të gjithë bashkë formojnë një ekip të mrekullueshëm. Çdo gisht është një anëtar me vlerë i këtij ekipi të mrekullueshëm.
Nëse i thoni fëmijës tuaj: “ti je gishti i mesëm, je më i gjatë e ke më shumë vlerë nga të tjerët” fëmija do të rritet si një njeri egoist me vetëpëlqim. Por, nëse krijoni te fëmija ndjesinë: ” le të jesh gishti tregues, gishti i madh apo gishti i mesëm”, ai do të ndihet me vlerë e do të rritet si një njeri i vetëdijshëm me konceptin “ne” e do të gjykojë punën në ekip. Njerëzit e rritur me këtë frymë kanë siguri në marrëdhëniet me të tjerët, janë të kujdesshëm, janë plot shpresë dhe falënderues ndaj jetës.
Përgatiti: Perparim Blakaj, Prinderimi.com.
Autor: Doan Xh., “Prind kreativ” (Udhëzues ideal për një prind kreativ)
