A keni një fëmijë që njerëzit e quajnë “shpirt i ndjeshëm”? Ose më keq, a janë të etiketuar si të dobët, “gjilpërë” apo të “njomë”? Kultura jonë shpesh i ka paraqitur këta fëmijë në një dritë negative, sikur ndjeshmëria është një atribut negativ.
Kur përpiqemi t’i “forcojmë” këta fëmijë, ne në fakt mund të dëmtojmë një tipar të veçantë që sheh, ndjen dhe kupton gjërave që shumica e njerëzve nuk i perceptojnë. Nëse ne i ushqejmë dhe i udhëzojmë që të kuptojnë e të zhvillojnë anën e tyre të ndjeshme, ata do të mund të bëhen të rritur të jashtëzakonshëm.
Fëmijët e ndjeshëm nuk janë të dobët
Fëmijët e ndjeshëm janë në fakt shumë më të vetëdijshëm për çfarë ndodh rreth tyre. Ata vërejnë ndryshime në mjedisin e tyre, duken se i perceptojnë humorin dhe emocionet e të tjerëve shumë shpejt, dhe shpesh kalojnë skenarë të ndryshëm në kokë përpara se të marrin një vendim. Kjo vetëdije e thellë i bën ata më të prirur ndaj ankthit, por natyra e tyre e ndjeshme nuk duhet të shihet si një dobësi. Ata thjesht kanë nevojë për mbështetje për ta zhvilluar këtë tipar pozitivisht.
Fillon në shtëpi
Mjediset e zëshme dhe të paparashikueshme, si shkolla, mund të jenë rraskapitëse për fëmijët e ndjeshëm. Shtëpia duhet të jetë një vend i sigurt dhe i qetë, ku ata mund të jenë vetvetja. Marrëdhëniet familjare mund të jenë të tensionuara ndonjëherë, por fëmijët duhet të ndihen gjithnjë të pranuar dhe të dashur.
Lidhja mes prindërve dhe fëmijëve është e vazhdueshme dhe mund të prishet, por gjithashtu mund të restaurohet. Ja disa ide për të ndihmuar këtë proces:
- Luaj: Futuni në botën e tyre të lojës, duke i lënë të zgjedhin se si duan të luajnë.
- Biseda: Krijoni hapësira për biseda të hapura, si në darkë ose në momente të tjera të ditës.
- Prekja: Një përshkime flokësh ose një prekje shpatullash mund të thotë shumë. Gjithsesi, respektoni kufijtë e tyre.
- Festoni pikat e forta: Vini re dhe vlerësoni cilësitë e tyre unike duke qenë specifik.
- Disiplina: Kujdesuni të jeni të butë dhe të fokusuar në zgjidhje gjatë disiplinimit.
Menaxhimi i emocioneve
Fëmijët e ndjeshëm shpesh ndjejnë aq thellë, sa emocioni mund të jetë mbizotërues. Ja disa strategji që mund të ndihmojnë:
- Njohja e emocioneve: Mësojuni të identifikojnë dhe emërtojnë ndjenjat e tyre.
- Relaksimi: Mësojuni teknika si frymëmarrja e kontrolluar për të ulur stresin.
- Kufijtë: Ndihmojini të kuptojnë se nuk është detyra e tyre të kënaqin të gjithë.
Fëmijët e ndjeshëm kanë një interpretim të mahnitshëm të botës. Ata nuk janë të dobët, përkundrazi. Duhet forcë për të ndjerë thellësinë e ndjenjës që ata bëjnë. Nëse do ta zhvillojmë këtë tipar si një atribut pozitiv, atëherë duhet t’i drejtojmë këta fëmijë të ndjeshëm dhe të mos lejojmë që ata të dëmtohen nga bota e “dashurisë së ashpër” që i rrethon.
Burimi: The Therapist Parent
Përktheu dhe përshtati: Perparim Blakaj
*Klikoni KËTU për t´u bërë pjesë e kanalit zyrtar të Rrjetit të Prindërve të Kosovës në Viber.
