Java e parë e vitit shkollor për mësimëdhënësit nga cikli parashkollor e deri të shkollat e mesme, vjen me një listë të avancuar të pritshmërive. Java e parë është fletë e bardhë, mundësia jonë për të krijuar themelet për zhvillim. Aq më herët që ne i paraqesim dhe i zbatojmë pritshmëritë tona, aq më herët të mësuarit mund të fillojë. Është parësore që ne t’ua mësojmë, modelojmë dhe t’ua praktikojmë cdo pritshmëri nxënësve, dhe me sa më shumë zbavitje t’ua paraqesim, aq më shumë do t’i memorizojnë.
Më poshtë janë pesë frazat e mia favorite që ua mëson pritshmëritë e qarta, që i quaj “bazat e javës së parë,” të bashkangjitur me mënyrën si t’ua mësojmë, pse-në, dhe metodat për mësimdhënësit që ti ekzekutojnë sa më lehtë.
Pritshmëritë e mësimit në javën e parë:
- “Nëse e thyejmë, ne e rregullojmë.” Thjeshtë paramendoni sa herë në ditë gjatë fëmijërisë së hershme diçka në klasë largohet, coptohet, bie ose thyhet. Është me rëndësi që nxënësit së bashku e marrin përgjegjësinë. Kur diçka thyhet, ne mundohemi ta rregullojmë. Ky fundament krijon kujdes ndaj pronësisë dhe përgjegjësisë në klasë, që është hapësirë e përbashkët.
Kur themi “Nëse ne e thyejmë, ne e rregullojmë,” pritshmëritë janë që nxënësët fillimisht nevrikosen ose mundohen ta fshehin nëse diçka thyejnë. Merrni kohë që të ndjehen të sigurtë dhe të marrin përgjegjësinë për gabimet e tyre. Krijoni një kuti për riparime: lehtë të qasshëm nga nxënësit që mund t‘i përdorin për riparimin e gjërave në klasë. Duke përfshirë ngjitësin, fshirësin, rrypa fashash me ngjitës, gërshëri dhe shënues me ngjitës për të shkruar kërkim faljet.
- “Nëse nuk e bëjmë tani, ne do të duhet patjetër ta bëjmë më vonë,” Nganjëherë, fëmijët i japin përparësi lojës, mbesin në tualet më gjatë, ose anashkalojnë punën sepse është shumë e vështirë, shumë e lehtë ose thjeshtë bezdisëse! Shpjegoni që në klasë, ne kemi përkrahje për njëri-tjetrin, ne duhet t’i kompletojmë detyrat tona. Nëse jo, do ti përfundojmë më vonë, përgjatë argëtimit ose si detyrë shtëpie. Ky fundament sjellë ndjenjën e arritshmërisë, përmbushjes, dhe vazhdimësisë. Kur i përkushtohemi gjërave, ne forcohemi.
Maksima “nëse nuk e bëjmë tani, ne do të duhet patjetër ta bëjmë më vonë,” nxënësit i sfidojnë limitet e tyre dhe të arsyetohen, “Nuk di si ta bëj”. Është jetike të jua rikujtoni nxënësve se ju si mësimdhënës jeni aty për t‘ju ndihmuar dhe ua dëshironi suksesin. Analizone pse-në prapa veprimit të anashkalimit. Nëse përmbajtja është shumë e komplikuar, shumë e lehtë, ose e tepërt? Vendosni një tabelë ku nxënësët vërejnë punën që duhet kompletuar ose si detyrë shtëpie. Festoni me ta punët e zbatuara dhe të përfunduara.
- “Përdorim fjalët, e jo duart.” Konfliktualiteti është i vështirë. Edhe si të moshërritur, ndjenjat tona lëndohen. Është e rëndësishme që gjeneratat e reja ti mësojmë se mënyra më e mirë për zgjidhje të problemit është përmes fjalëve. Fjalët përmbajnë fuqinë, vendosin kufinjtë, dhe na ndihmojnë shprehjen e ndjenjave tona.
Maksima “Përdorim fjalët, e jo duart,” pritshmëritë nga trajnimet krah për krah
ashtu që nxënësitt mësojnë si t’i zgjidhin problemet e tyre. Dhuroni elegancë dhe përkrahje përderisa ata t’i drejtojnë sjelljet dhe emocionet e tyre. Nëse nxënësi në klasën e juaj është person joverbal, gjeni mënyrat që ata të bëhen më komunikativ. Për shembull, këta nxënës mund të përdorin pamjet vizuale, të shtypurit, shkrimit, ose gjuhën e shenjave.
Vendosni një grafikon të fjalive qëndrore për të lehtësuar zgjidhjen e konfliktualitetit.
- (Thuaje.) Nuk e pëlqej kur___.
- (Zotëroje.) Kërko falje për ___.
- (Pranoje.) Prano kërkim faljen. Ose: Ende nuk jam i gatshëm ta pranoj kërkim faljen. Më nevojitet që Ju të ___.
- (Zgjidhe.) Dëshironi shtrëngim duarsh, përqafim, ‘zgjatje grushti’ ose aprovim me ok?
- “Gjatë punës, japim më të mirën. Kur ngutemi, nëpërkëmbim të tjerat.”. Gjërat e mira marrin kohë! Shpjegoni nxënësve që gjatë punës, përkushtimi maksimal nënkupton angazhim kohor, ri-lexim, dhe kontrollim të përgjigjeve. Kur nëpërkëmbim gjërat, mund të anashkalojmë fjalët kryesore ose hapat. Ky fundament ndihmon në përkrahjen e punës së kualitetit të lartë dhe durim gjatë kryerjes së detyrave.
Maksima “Gjatë punës, japim më të mirën; kur ngutemi, nëpërkëmbim të tjerat,” fëmijët mund t’i sjellin detyrat e kryera brenda çastit. Sidoqoftë, është e rëndësishme që ata të reflektojnë. A keni bërë më të mirën? A jeni angazhuar mjaftueshëm? A i keni kontrolluar përgjigjet? A mungonte diçka?
Vazhdoni t’i lavdëroni nxënësit e dalluar, jo domosdoshmërisht ata që të parët i dorëzojnë detyrat. Vendosni fotot në klasë të nxënësve në veprim, të angazhuar dhe duke bërë më t’mirën. Shtypni etiketat me listat e kontrollit të nxënësve ashtu që vet të kontrollojnë punën e tyre.
- Motoja e shkollës: “Ne___.” Ky fundament i fundit lidh pritshmëritë e klasës me të shkollës. Cilat janë qëllimet e shkollës suaj? Cila është motoja në faqen e internetit të saj ose në bluzat apo në njoftimet e çdo mëngjesi? Në shkollën tonë themi, “Ne ju respektojmë, jemi të përgjegjshëm, të sjellshëm, dhe të sigurtë.” Kjo moto kontribuon për një ambient më të sigurtë dhe pozitiv shkollor.
Maksimën e shkollës, thjeshtone për nxënësit që ta kuptojnë, si për shembull: Çka nënkupton respekti? Si duket respekti? Si jeni ndier të respektuar në të kaluarën? Mundohuni të bëni një grafik dhe regjistroni përgjigjet e nxënësve sesi kjo maksimë mund të duket, ndjehet ose kuptohet në klasë.
Kështu që, le ti themi lamtumirë rregullave dhe të mirëpresim motot e javës së parë. Le të ndërtojmë bazë të fortë të pritshmërive prej ditës së parë.
Kryesorja, le të fillojmë vitin me argëtim!
Burimi: Edutopia
Autorje Alicia Meyers
Përktheu dhe përshtati: Burim Zeqiri, Prinderimi.com
