Pediatrja e njohur Lira Gjika, përmes një rasti ka treguar se një dëm të madh që i bëjnë prindërit fëmijëve, është mos reagimi i duhur në një moment kur të vegjlit përjetojnë frikë. Konkretisht, ajo i referohet rastit, kur prindërit duan me patjetër t’i mësojnë fëmijët me plazhin. Ja rasti në fjalë që tregon Gjika:
“Në një nga plazhet e jugut, një gjyshe nga këto të zonjat, që e kapin situatën për “brirësh”, i mori fëmijën dy vjeç nenës nga dora dhe e futi në det, qe t’i mësonte “lezetin e ujit”. Fëmija filloi te ulërije i tmerruar, por pa dobi, nëna rrinte dhe e shikonte duke qeshur dhe sikur nuk mjaftonte nëna indiferente, me të u bashkuan edhe të rritur te tjerë që qeshnin me ulërimat e fëmijës.
Ky zakoni makabër i të rriturve, që qeshin apo shkrihen gazit me fëmijën e vogël të tmerruar nga mospërfillja dhe frika, vazhdon të jetë praktike e zakonshme pa na preokupuar për pasojat që mund të shkaktojë”.
“Prindër dhemburia nuk është një gjë e lindur, ajo mësohet e zhvillohet nëpërmjet sjelljes se prindërve ndaj fëmijës dhe më pas edhe nga të rritur të tjerë pranë fëmijës. Prindër kini kujdes nga këto sjellje tuajat. E para, frika nuk largohet duke e “përplasur” fëmijën në ujë dhe duke qeshur. Kjo mënyrë vetëm dëmton mekanizmat e empatisë.
Ju mund t’u vijë për të qeshur por fëmija është i tmerruar. E dyta, a ju ka shkuar ndërmend se si do të ndiheshit ne një situate të tillë, që ju të ishit të tmerruar dhe ata qe ju kanë në dorë të qeshin e tallen? Prindër mos luani me emocionet e pa formuara te fëmijëve tuaj dhe mos u çudisni nëse një dite fëmija juaj, mund te behet i pandjeshëm dhe indiferent ndaj te tjerëve, kështu e keni “gatuar” me indiferencë dhe te qeshura kur ishte keq”, shkruan Gjika./M.T/dritare.net
