Të mësuarit e më shumë se një gjuhe është një pasuri për individët, familjet dhe shoqërinë tonë. Edukatorët e fëmijërisë së hershme mund të ndajnë përfitimet e dygjuhësisë me familjet dhe komunitetet e tyre, duke gjetur mënyra për të mbështetur gjuhët e tyre amtare dhe duke inkurajuar ruajtjen e tyre.
Zhvillimi i gjuhës amtare të fëmijës siguron bazën për lexim dhe shkrim, duke përgatitur fëmijët për t’u bërë të dyshkrueshëm. Studime të shumta kanë treguar shumë përfitime nga të qenit dygjuhësor dhe dyshkruesor. Më poshtë paraqiten disa prej tyre:
Zhvillimi Kognitiv
Individët që janë dygjuhësorë dhe dyshkruesorë kalojnë ndërmjet dy sistemeve gjuhësore të ndryshme. Truri i tyre është shumë aktiv dhe fleksibël. Krahasuar me ata që nuk janë dygjuhësorë, ata kanë më shumë aftësi në:
- Kuptimin e koncepteve matematikore dhe zgjidhjen e problemeve
- Zhvillimin e aftësive të forta të të menduarit
- Përdorimin e logjikës
- Fokusimin, mbajtjen mend dhe marrjen e vendimeve
- Të menduarit mbi gjuhën
- Mësimin e gjuhëve të tjera
Zhvillimi Socio-Emocional
Dygjuhësia ndihmon fëmijët të ruajnë lidhje të forta me familjen, kulturën dhe komunitetin, që janë pjesë kyçe e identitetit të tyre. Gjithashtu, fëmijët dygjuhësorë janë më të aftë për të krijuar miqësi të reja dhe marrëdhënie të forta nëpërmjet gjuhës së dytë, një aftësi e rëndësishme në shoqërinë tonë gjithnjë e më të larmishme.
Studime kanë treguar se foshnjat e rritura në familje dygjuhësore tregojnë vetëkontroll më të mirë, një tregues kyç për suksesin në shkollë.
Suksesi akademik
Përgatitja dhe suksesi në shkollë për fëmijët që janë mësimdhënës të dy ose më shumë gjuhëve lidhen drejtpërdrejt me zotërimin e gjuhës amtare. Fëmijët dygjuhësorë përfitojnë akademikisht duke pasur qasje më fleksibile për të menduar problemet. Aftësia për të lexuar dhe menduar në dy (ose më shumë) gjuhë të ndryshme promovon nivele më të larta të të menduarit abstrakt
Suksesi afatgjatë
Në një shoqëri globale, individët që flasin më shumë se një gjuhë kanë avantazhe të shumta. Ata gëzojnë mundësi më të mira për punësim dhe mund të marrin pjesë më gjerësisht në komunitetin global.
Të qenit dygjuhësor gjithashtu mundëson akses në më shumë burime informacioni dhe njohuri mbi kultura të ndryshme.
Shkarkoni versionin origjinal:
Loading...
Reload document 
Open in new tab Referencat
- Zelasko, N., & Antunez, B. (2000). If Your Child Learns in Two Languages. National Clearinghouse for Bilingual Education.
- Bialystok, E. (2001). Bilingualism in Development: Language, Literacy, and Cognition. Cambridge University Press.
- Kovács, A. M., & Mehler, J. (2009). Cognitive Gains in 7-Month-Old Bilingual Infants. Proceedings of the National Academy of Sciences.
Burimi: Talking is Teaching.
Solli në shqip: Prinderimi.com
*Klikoni KËTU për t´u bërë pjesë e kanalit zyrtar të Rrjetit të Prindërve të Kosovës në Viber.
