Dëshira e thellë për të mbështetur babanë e saj e shtyu Amra Buzhalën, një 13-vjeçare nga Ferizaj, të angazhohet në punë që në një moshë kaq të re. Përkundër vështirësive që mund të shoqërojnë angazhimet e hershme profesionale, Amra e ka bërë tashmë një vit që pas përfundimit të orëve të mësimit shkon dhe praktikon punën e babait të saj.
Amra, po e përjeton këtë përvojë si një mundësi për të kontribuar në familje dhe jo si një barrë të rëndë, pavarësisht moshës. Me një qëndrim të palëkundur ndaj sfidave dhe përgjegjësive, ajo përfaqëson shembullin e një të riu kosovar që nuk e shikon punën si kufizim për ëndrrat, por si një mundësi për të mësuar dhe për të ndihmuar ata që i do më shumë.
Përvoja e saj ka tërhequr vëmendjen e komunitetit lokal, duke treguar se pjekuria dhe përgjegjësia nuk janë gjithmonë të lidhura me moshën, por me ndjeshmërinë dhe dëshirën për të bërë mirë.
“Jam shumë krenarë që i ndihmoj babit. Nuk ka sen ma primare se sa me ju ndihmu prindërve”, është shprehur ajo në një storie për Infokus.
© Prinderimi.com | Të gjitha të drejtat e rezervuara.
