Mjedisi i shkollës
Kur njerëzit dështojnë në ndonjë përpjekje, ata shpesh gjejnë ngushëllim në fajësim të njëri-tjetrit. Ky është një fakt i dukshëm në shumë çështje që lindin në komunitetet muslimane dhe arabe. Ka pajtueshmëri unanime se ne kemi dështuar që t’ua bëjmë të dashur librin fëmijëve dhe nxënësve.
Mirëpo, kur i pyet mësuesit për shka- kun, ata e drejtojnë gishtin e akuzës ndaj familjes; nëse i pyet prindërit për shkakun, ata e ngritin gishtin e akuzës ndaj fëmijës. E vërteta është se të dy grupet kanë të drejtë në atë që e thonë për njëri-tjetrin.
Unë e mbaj idenë se familja është përgjegjësi kryesor për t’ua bërë librin të dashur fëmijëve. Mirëpo, të them të drejtën, na duhet që shkollës t’i lëmë përgjegjësinë më të madhe dhe këtë e bëjmë për një arsye të thjeshtë, se shumë prindër janë të pashkolluar ose shumë pak të shkolluar, prandaj është e kotë të diskutojmë sa të përgjegj- shëm jam.
Atëherë, shtrohet pyetja se çfarë mund të bëjnë shkollat për ta zgjidhur këtë problem? Përgjigja është se shkollat mund të bëjnë shumë, nëse i largojnë metodat e vjetra të edukimit të fëmijëve dhe trajnimit të tyre dhe nëse e marrin këtë çështje seriozisht.
Përgatiti: Prinderimi.com
Autor: Dr. Abdulkerim Bekkar, ”Fëmija lexon”
