Çdo klasë ka nevojë së paku për dy orë Kujdestari dhe Edukim në javë me mësuesin/mësuesen apo kujdestarin/kujdestaren e klasës: një orë me plan projekt, në disa fusha me rëndësi një orë me prezantime/aktivitete që mund të organizohen nga nxënësit.
Aktualisht shumica e klasave i kanë nga dy orë zgjedhore, dhe asnjë orë kujdestari!!!
Njëra orë zgjedhore të kalojë në orë lëndë Kujdestari dhe Edukim.
Psh, në lëndën e mundshme “Kujdestari dhe Edukim” duhet të jenë të pranishëm edhe prindërit për të parë nga afër prezantimet e nxënësve në klasa, motivacion.
Ora e kujdestarisë nxitë më shumë komunikimin mes nxënësve dhe mësimdhënësve, prindërve, dhe çdo sfidë është më e tejkalueshme, me qasje konstruktive. Ora e Kujdestarisë dhe Edukimit mund të sjell më shumë cilësi në shkolla.
Nëse është e nevojshme të formohet një grup punues dhe të hartojnë një doracak për lëndën prioritare “Kujdestari dhe Edukim” me tema atraktive nga klasa 1 deri 12, bazuar në moshën e nxënësve.
Çdo mësues apo kujdestar klase të ketë së paku 100€ bonus në pagë për punën me nxënës në orën e Kujdestarisë dhe Edukimit, duke përfshirë edhe punën administrative javore, në ditar, libra amë, libreza, dëftesa, raporte dhe mbledhje me prindër.
Drejtoria dhe aktivet profesionale në kordinim të caktojnë mësimdhënësit për Kujdestarë/e klase, me motivacion.
Autor: Blerim Mehmeti
