Nga Lira Gjika
“Me vdektë çuni që po të them të vërtetën” apo “për kokën e çunit apo të gocës”. Këto betime të tmerrshme, të cilat nuk na shkulen nga fjalori, i bëjnë si pa gjë të keq, burrat dhe gratë pa dallim.
Ajo që të bën përshtypje, është se, asnjë nuk mendon se çfarë po “nxjerr” nga goja dhe për çfarë bëhen gjithë këto betime, që të rrëqethin mishin kur i dëgjon. Bëhen për ti besuar një dikush, që sado i rëndësishëm, që të jetë, nuk vlen sa jeta e fëmijës. Dhe ajo, që është më e dhimbshme, qëndron në faktin që asnjë nuk betohet për veten dhe kur i thua: -çfarë flet, kush është ky njeri, që ti duhet të thuash një betim të tillë?- pa gjë të keq thonë: “që të më besojë”. Ky mosbesim te fjala e vet personit, tregon një shkallë të ulët vetëvlerësimi dhe papërgjegjshmëri.
A i ka shkuar në mëndje ndokujt, po ti dëgjojë fëmija çfarë do të ndjejë, mendojë dhe provojë?
Këshillë: Në vend të këtyre betimeve mund të përdoren edhe zëvendësimet nga tradita jonë, për shembull të thënit: ”Për Zotin”/Prinderimi.com
Kujdes prindër, zgjidhini fjalët dhe mendojini mirë para se ti nxirrni nga goja. Ju jeni modeli dhe siguria e fëmijës tuaj. Çfarë modeli do ti ofroni fëmijës, kur nuk dini se çfarë thoni, që nuk i besoni as vetë fjalës tuaj apo që tjetri është më i rëndësishëm se vetë fëmija që thoni se e doni shumë?/dritare.net
