Jetojmë në një kohë kur vetmia dhe egoizmi te njerëzit është në rritje. Andaj njerëzit po kërkojnë mënyra të rikthimit të baraspeshës në jetën shoqërore. Si rezultat është shënuar rritje në organizime festive, gosti të ndryshme dhe takime festive. Në këto raste shpër- ndahen dhurata në të cilat përfshihen edhe fëmijët, sidomos në shtresat e larta dhe të mesme të shoqërisë.
Disa fëmijë marrin tridhjetë deri në katërdhjetë dhurata. Shumë nga dhuratat janë lodra ose troba etj. Shumica nga këto dhurata vijnë nga prindërit, vëllezënt ose motrat e rritura, të afërmit dhe shokët e ngushtë. Madje disa prindër ankohen se gjërat zbavitëse që u dhurohen fëmijëve të tyre janë të tepërta për t’u përdorur nga fëmijët dhe se po u harxhojnë shumë kohë.
Këta prindër mendjendritur kanë vendosur t’u japin fëmijëve libra shumë atraktivë, me tregime të bukura, së bashku me dhuratat e tjera. Këta prindër pastaj shqyrtojnë mënyrat se si të përfitojnë fëmijët e tyre nga këto libra dhe tregime. Ata shpesh ulen me fëmijët e tyre për të folur për librat e dhuruara. Disa prindër i pyesin fëmijët e tyre lidhur me titujt që dëshirojnë prindërit t’ua blejnë.
Disa prindër madje i nxisin edhe të afërmit t’u bëjnë dhuratë fëmijëve libra, kur afrohet ndonjë festë. Ne kemi nevojë që tërë shoqëria të lëvizë në atë drejtim. Për rrjedhim, këshilloj çdonjërin që ka vendosur të japë ndonjë dhuratë për rastet si: dasma, hyrja në shtëpinë e re, punësimi, vizitat, vizita e të sëmurit dhe në raste të ngjashme në të cilat mblidhen njerëzit, dhuratat le të jenë në formë të një libri ose librave. Njerëzit e arsimuar dhe të pasur duhet të prijnë në këtë drejtim, njerëzit e tjerë presin prej tyre për t’u prirë në rrugën e ndryshimit.
Përgatiti: Prinderimi.com
Autor: Dr. Abdulkerim Bekkar, ”Fëmija lexon”
