Shumica e të rinjve në Kosovë e kalojnë pjesën më të madhe të kohës së një dite në rrjetet sociale. Kur janë pyetur se si e kalojnë kohën e tyre të përditshme, përgjigjet janë si më poshtë:
- Shumica e të anketuarve nuk kalojnë fare kohë në aktivitete të lidhura me punën (51,3%) dhe në leximin e gazetave në internet (23,2%).
- Për aktivitete që kanë të bëjnë me shkollimin, përqindja më e madhe e të anketuarve kalon 1–2 orë (14%), ndjekur nga 30 minuta deri në 1 orë (12,7%).
- Një përqindje e konsiderueshme e të anketuarve (31,4%) kalon 1–2 orë në rrjetet sociale dhe më shumë se 5 orë (6,1%).
Është befasuese që 83,4% e të rinjve të moshës 19–29 vjeç nuk kalojnë fare kohë në aktivitete që kanë të bëjnë me punën. Kjo tregon se puna e tyre ose nuk u shërben për zhvillim të mëtejshëm profesional, se të rinjtë janë në masë të madhe të papunë, ose nuk janë të punësuar në mjedisin e dëshiruar profesional.
Nga ana tjetër, 53,7% e nxënësve të shkollave të mesme të moshës 14–18 vjeç dhe 66,2% e studentëve të moshës 19–24 vjeç kalojnë më pak se një orë duke mësuar. Këto përqindje mund të nënkuptojnë se të rinjtë nuk janë të angazhuar mjaftueshëm në zhvillimin e tyre arsimor dhe/ose se sistemi arsimor nuk është sfidues dhe kërkues sa duhet për ta që të kalojnë më shumë kohë duke mësuar.
Për të rritur kohën që të rinjtë kalojnë në zhvillimin arsimor, palët e interesit duhet të përqendrohen në përmirësimin e kurrikulës për të përfshirë më shumë aktivitete jashtëshkollore dhe aktivitete arsimore ku të rinjtë do të angazhoheshin më shumë.
Të rinjtë e Kosovës kalojnë pjesën më të madhe të kohës së tyre ditore në rrjetet sociale: 70,4% e të rinjve kalojnë nga një deri në pesë ose më shumë orë në ditë në rrjetet sociale.
Si rrjedhojë, palët e interesit duhet t’i fokusojnë përpjekjet e tyre për të përfshirë më shumë mundësi mësimore përmes rrjeteve sociale, duke maksimizuar kështu produktivitetin e kohës që rinia kalon në to.
© Prinderimi.com | Të gjitha të drejtat e rezervuara.
Burimi: FES
