Fëmija që bie në privim emocional, nuk duhet bërë kurrë për të qarë, por duhet përqafuar dhe ngushëlluar. Lufta për pushtet; Është kërkesa e fëmijës përtej kufijve të moshës së tij për shkak të zhvillimit të ti edhe e qara për t’i arritur këto kërkesa. Për shembull, një fëmijë 4-vjeçar mund të kërkojë një telefon, një tjetër 6-vjeçar mund të dëshirojë të drejtojë makinën, një tjetër djalë 3-vjeçar mund të dëshirojë të marrë stilolapsin e vëllait të tij dhe të shkruajë gjithashtu. Kur këto dhe kërkesa të ngjashme nuk plotësohen, fëmija mund të zgjedhë të qajë si një metodë e njohur për të arritur qëllimin e tij.
Përballë një situate të tillë, prindërit duhet të qëndrojnë të vendosur dhe të mos lëshojnë pe në në këtë luftë të fëmijës që e ka nisur duke qarë. Prindërit duhet ta dinë se; E qara me luftën për pushtet të fëmijës nuk shkakton dëme emocionale. Prandaj, ata duhet të qëndrojnë të vendosur dhe të tregojnë se kjo metodë që kërkon të përdorë fëmija, nuk funksionon.
Prandaj, nuk konsiderohet e drejtë të përpiqesh ta bindësh fëmijën apo të reagosh e ndëshkosh në këtë situatë. Do të mjaftojë vetëm që prindi të qëndrojë i vendosur dhe t’i thotë se ajo që ai dëshiron, nuk është e mundur.
Nëse është e nevojshme, fëmijës mund t’i ofrohen alternativa të ndryshme. Megjithatë, nëse fëmija nuk i pranon këto alternativa, është e nevojshme ta lini të qajë për pak kohë. Prindi duhet t’i tregojë fëmijës vendosmërinë e tij dhe se e qara nuk ka kuptim duke i thënë: “Mund të vish tek unë nëse dëshiron kur të pushosh së qari, unë do të lexoj disa libra“. Në këtë mënyrë fëmija sheh se e qara është e kotë me këtë qëndrim gjakftohtë, realist dhe të vendosur të prindit.
Është e dobishme të nënvizohet; Pavendosmëritë e ¡ vogla në luftën për pushtet dhe përpjekjet për ta bin- dur fëmijën, rrisin intensitetin e të qarave të fëmijës. Megjithatë, këtu ekziston një vijë delikate; Prindërit nuk duhet të anashkalojnë situatat në të cilat fëmija bie në privim emocional, duke menduar që të mos i dorëzohen luftës për pushtet.
Situatat kur fëmija:
• ka dhimbje,
• është i përgjumur,
• sapo është zgjuar nga gjumi,
• përpiqet të vihet në gjumë me forcë edhe pse ai nuk është i përgjumur,
• është i uritur,
• është nën presion,
• është në zbrazëti emocionale, janë burimi të qara- ve për shkak të privimit emocional.
Për shembull; nëse një fëmijë që dëshiron stilolapsin e vëllait të tij ndihet i përgjumur në atë moment, e qara e tij ka shumë të ngjarë të jetë për shkak të privimit emocional. Ose, kur ka një lidhje emocionale me një lodër me të cilën luan gjatë gjithë kohës, të qarat kur ajo lodër i jepet dikujt tjetër, mund të jetë ende për shkak të privimit emocional.
Për më tepër, bërtitja e një prindi ndaj fëmijës ose ashpërsia e tonit mund të shkaktojë që fëmija të përjetojë privim emocional. Për shembull, t’i bërtasësh me zë të lartë “Lëre shpejt!” fëmijës që zgjat dorën për të kapur thikën në sirtarin e kuzhinës, bëhet shkak që ai të qajë nga frika se lidhja e tij me nënën është ndërprerë. Megjithatë, në sjellje të tilla të pakëndshme, është e nevojshme të përdorni një ton më të butë zëri, të shkoni pranë fëmijës dhe t’i shprehni se sjellja e tij është e gabuar.
Kryesorja është ta ndihmoni fëmijën duke përdorur ‘gjuhën e veprimit për t’i treguar sjelljen e gabuar.
