Im bir ka nevojë t’i zhvillojë aftësitë e veta shoqërore
Mënyrat e sjelljes që fëmija mëson pranë familjes, do t’i hyjnë në punë në vijim në jetën e grupit, qoftë në kopsht apo me miqtë. Duke u rritur dhe duke bashkëjetuar në grupe më të gjera, do të mësojë edhe strategji të tjera. Kur të hyjë në marrëdhënie me fëmijët e tjerë, që kanë personalitete e mënyra jetese të ndryshme nga të tijat, do të fillojë të përdorë strategji të reja, të cilat jo gjithmonë do t’u pëlqejnë prindërve.
Sa i përket egocentrizmit:
• Fëmijët janë egocentrikë deri në moshën 7-8-vjeçare.
• Gjithçka rrotullohet rreth pikëvështrimit personal dhe mbi perceptimet vetjake të çastit.
• Ata e kanë shumë të vështirë t’i perceptojnë dhe të marrin parasysh nevojat dhe këndvështrimet e të tjerëve.
• Kanë prirjen t’ia ngarkojnë dikujt tjetër përgjegjësinë e gabimeve të veta.
E kanë të vështirë t’i vënë në dyshim mendimet e tyre.
• Gjykojnë duke u nisur nga një plan i vetëm i realitetit.
• Bëjnë përgjithësime duke u nisur nga një element ose nga një perceptim i vetëm. Dhe janë krejtësisht të pandjeshëm ndaj kontradiktave që shprehin
• Shumë shpesh përdorin një strategji të vetme përballë vështirësive.
Siç mund ta vini re, ka edhe shumë të rritur që kanë mbetur ende thellësisht egocentrikë!
Përgatiti: Prinderimi.com
Autor: Danielle Laporte, “Vetëvlerësimi i fëmijëve 0-6 vjeç”
