Grupi i parë shoqëror është familja. Nuk ka rëndësi nëse fëmija i përket një familjeje tradicionale, me një prind të vetëm apo të rikrijuar me prind jo biologjik, ai gjithmonë ka të drejtën të përjetojë marrëdhënie të ngrohta dashurie.
Fëmija që përjeton marrëdhënie të kënaqshme në brendësi të familjes është natyrisht i prirë të besojë që të rriturve dhe fëmijëve të tjerë u pëlqen të rrinë me të Gjithashtu, beson se i ka të gjitha aftësitë e nevojshme, që ta duan dhe ta vlerësojnë.
Marrëdhëniet e ngushta familjare
Në ditët e otme, që të dy prindërit punojnë ose të paktën e kanë mundësinë ta bëjnë këtë gjë. Për këtë arsye janë shumë të zënë, veçanërisht nënat. Në këtë ⚫️ pikëvështrim, disa kërkime kanë treguar se, në mbarë botën, gratë punojnë më shumë orë se burrat (80 orë krahasuar me 50 të burrave). Por rekordin e thyejnë gratë, që përveç punëve nëpër shtëpi, shkojnë edhe në punë: mesatarisht 90 orë punë në javë! Prandaj në ditët tona mbizotërojnë lodhja dhe tensioni.
Për sa i përket baballarëve, në ditë e sotme, ata janë gjithmonë e më të prirë për të marrë pjesë në çështjet shtëpiake dhe në rritjen e fëmijëve. Kjo është një gjë shumë e mirë, sepse kërkimet kanë treguar se baballarët që përkujdesen konkretisht për fëmijët e tyre, janë më të lidhur me të vegjlit dhe shpesh janë edhe më të pranishëm në drejtimin që merr edukimi dhe arsimimi i tyre, sido që të vijë situata në familje.
Të themi të drejtën, prindërit sot janë shumë më të ndërgjegjshëm për rolin që duhet të luajnë në familje, dhe shpeshherë ndihen në faj për hendekun që shtrihet mes familjes ideale dhe asaj të vërtetë. Megjithatë, mund të themi se, në përgjithësi, është e mundur që sot të përjetohen lidhje të forta familjare, pavarësisht nga sfondi aktual shoqëror.
Përgatiti: Prinderimi.com
Autor: Danielle Laporte, “Vetëvlerësimi i fëmijëve 0-6 vjeç”
