Diskutimi dhe dialogu
Atmosfera e dialogut dhe diskutimit të qetë, është një nga nxitësit dhe faktorët më të rëndësishëm në ndërtimin e personalitetit të një ylli. Një yll zakonisht rritet në një atmosferë lirie dhe larg atmosferës së urdhrave ushtarakë. Ai u bindet prindërve të tij, por ka dëshirë ta dijë se përse është marrë ai vendim, pasi ai është mësuar me atmosferën e diskutimit të lirë për çështjet e shoqërisë dhe për ato që u interesojnë të rinjve.
Nëse babai i tij e ndalon që të shkojë tek ndonjëri nga shokët e tij, ai dëshiron që t’i dijë shkaqet dhe i thotë edhe argumentet e tij, duke kërkuar që babai i tij t’i dëgjojë këto argumente dhe t’u përgjigjet atyre, e kështu me radhë në të gjitha çështjet e tjera.
Ai prind që është i interesuar që ta rrisë fëmijën e tij dhe ta bëjë një yll në të ardhmen, krijon dhe përgatit për të një atmosferë dialogu dhe diskutimi. Ai e fton atë nëpër tubime, ku organizohen diskutime dhe dialo- gje konstruktive, dhe në të njëjtën kohë, në shtëpi shtron për diskutim me fëmijët e tij çështje të ndrysh- me, kurse çështjet e tilla, rreth të cilave mund të diskutohet, janë të shumta.
Ai mund të kërkojë të njohë mendimin e tyre rreth burrave që mundohen t’u ngjaj- në grave, ose rreth grave që mundohen t’u ngjajnë burrave. Kërkon të dijë se cili është mendimi i tyre për cilësitë e një shoku të mirë, ose për sistemin arsimor në vendin e tyre, ose për parlamentin dhe punën që bëjnë deputetët, ose diskuton me ta rreth zakoneve të këqija që janë përhapur në shoqëri, e shumë e shumë tema të tjera si këto që përmendëm.
Përgatiti: Prinderimi.com
Autor: Abdulhamid Bilali, ”Si ta bësh fëmijën tënd yll”
