Të gjithë prindërit përballen me probleme të ngjashme, por familjet me një prind duhet t’i kushtojnë vëmendje shtesë çështjeve të mëposhtme:
- Shfaqja e forcës personale. Nëse prindi shembet emocionalisht, bota e fëmijës bëhet e paqëndrueshme, pasi nuk ka një prind tjetër ku të mbështetet. Prandaj, prindërit e vetëm duhet të vlerësojnë situatën dhe të qëndrojnë të qetë e të sigurt në vetvete. Gjendja mendore dhe emocionale e tyre duhet të jetë e fortë.
- Plotësimi i dy roleve. Roli i prindit që mungon duhet të plotësohet. Baballarët, për shembull, duhet të afrohen emocionalisht dhe shpirtërisht me fëmijët e tyre. Ka shumë libra për vetë-ndihmë që mund t’i udhëzojnë prindërit se si ta bëjnë këtë.
- Rritja e vetëbesimit. Fëmijët nuk duhet të ndihen të turpëruar pse kanë vetëm një prind, dhe ata duhet ta dinë se janë po aq të vlefshëm sa dikush që vjen nga një familje me dy prindër. Prindërit e vetëm duhet t’ju ofrojnë fëmijëve të tyre një mjedis familjar të mirë dhe një jetë familjare të lumtur. Mësojini fëmijët se Profeti Muhamed a.s. mbeti pa të dy prindërit e tij në një moshë të re. Kini kujdes të mos i llastoni tepër fëmijët për t’ua “kompensuar” mungesën e prindit të dytë dhe mos i lejoni ata t’ju manipulojnë duke ju bërë të ndiheni fajtorë.
- Komunikimi i mirë. Komunikimi i vazhdueshëm midis prindit dhe fëmijës është i domosdoshëm. Jeta e prindit dhe e fëmijës do të bëhet më e lehtë përmes krijimit të një marrëdhënieje të përzemërt e të dashur dhe një ambienti familjar mbështetës.
Autor: H. Altalib, O. Altalib dhe A. Ebusulejman, 2022
Udhëzues për rritjen e fëmijëve: Marrëdhëniet prind-fëmijë
