Besimi te vetja është aftësia për të dëgjuar trupin, mendjen, shpirtin dhe nuhatjen. Mirëpo ç’kuptim ka të themi se kemi besim te dikush, apo te një ngjarje?
Njerëzit me vetëbesim kanë besim te vetja dhe i zgjedhin saktësisht personat tek të cilët kanë besim. Të kesh besim tek të gjitha pa përzgjedhur, nuk është shenjë e qëllimit të mirë, por mungesë e aftësisë për të vlerësuar.
Ka shumë njerëz që ankohen se kanë besuar këdo, e për këtë shkak e kanë pësuar. Besimi pa përzgjedhje te dikush nuk e bën atë njeri të besueshëm. Mendoni se nuk do jua tronditin besimin këta persona që nuk kanë vlerësim etik, vetëm pse ju thoni se keni besim tek ata? Besimi apriori njëqind për qind te një person mund t’ju sjellë një zhgënjim. Gjëja më e mirë është ta filloni këtë besim me masën pesëdhjetë për qind. Ky besim mund të ngjitet më lart ose të zbresë më poshtë, në varësi të sjelljes së këtij personi.
Besimi fitohet, nuk ofrohet i gatshëm.
Me kë i ndani sekretet? A i keni vlerësuar ndonjëherë kriteret? Ku dhe për çfarë po investoni? E keni menduar ndonjëherë se cilit mik do t’i jepnit borxh, pa ju dridhur qerpiku?
Përgatiti: Prinderimi.com
Autor: Saim Koç & Nil Gün, ”Vetëvlerësimi”
