Motori i sjelljeve njerëzore – Motivimi
“Fati i njeriut është në duart e veta” – Francis Bacon
A je dakord me mua, se nëse nuk jemi të motivuar, ne nuk kemi dëshirë të bëjmë asgjë?
A njeh ndonjë person, për të cilin ti mendon se kishte një punë të shkëlqyer dhe merrte një pagë të kënaqshme, por që e la atë punë, sepse nuk kishte motivim të mjaftueshëm, për ta vazhduar atë?
Kur ke motivim shpirtëror, ti ke më shumë entuziazëm, më shumë energji dhe përceptimi yt punon më mirë. E kundërta ndodh kur ven- dosmëria jote është e rënë përtokë. Në këtë rast, ti nuk ke energji, dhe përqendrimi e interesimi yt fokusohet vetëm në anët negative, ku si rezultat kemi përkeqësim performance.
Por, çfarë është motivimi? Cili është burimi i tij? Si mund të jemi të motivuar? Dhe ajo që është edhe më e rëndësishme, si mund ta ruaj më atë, që ta kemi me vete në vazhdimësi? Ky është subjekti i hulumtimit tonë, në këtë pjesë.
Fjala motivim, që në anglisht i thuhet “Motivation”, prejardhja e saj vjen nga fjala latine “movere” që do të thotë “lëviz”; fjalori Webster e përkufizon fjalën Motivations si: ”Gjëja që e shtyn njeriun të veprojë ose të lëvizë”.
Nëse e analizojmë fjalën “Motivation”, gjejmë se ajo përbëhet nga dy pjesë “Motivation = Motiv + Action”, pra “Shtysë + Veprim”, që do të thotë: një veprim që rezulton nga shtysa.
Përgatiti: Prinderimi.com
Autor: Dr. Ibrahim Fekij, “10 çelësat e suksesit”
