Një njeri, tek i cili ke besim për potencialin dhe ekzistencën.
Besoni se fëmija që mbani në prehër do të arrijë ta zbulojë potencialin e tij që nga lindja? Mendoj se kjo është çështja më kryesore e sigurisë. A mund të thoni se: “Fëmija im ka potencial dhe zhvillohet duke e përdorur atë “Nëse i besoni fëmijës tuaj në këtë çështje, do të thotë se fëmija juaj është me fat. Nëse e keni këtë besim themelor te fëmija: Besoni se ai do të mësojë nga gabimet duke provuar jetën.
Besoni se, me kalimin e kohës, ai do të mësojë të ndajë të mirën nga e keqja e të bëjë zgjedhjen e duhur.
Besoni se kur të vijë koha e duhur, do të bëjë zgjedhjen e jetës.
Besoni se do të krijojë vizionin e duhur, do të realizojë qëllimet duke zhvilluar strategjitë e zgjedhjet e duhura. Do të bëjë përpjekje të zgjuara e produktive dhe me kalimin e kohës do të mund të menaxhojë marrëdhëniet e veta.
Shkurtimisht besoni se do të ketë guximin për të qëndruar me forcat e veta e do të mund t’i bëjë vetë ballë jetës.
A i besoni potencialit të mrekullueshëm që mbani në prehër?
Fëmija, të cilit i falet besim, rritet e bëhet një njeri i besueshëm e që fal besim edhe vetë; ai bëhet njeri i qetë, buzagaz, plot shpresë e i lumtur. Dhurata më kuptimplotë që mund t’i bëni fëmijës tuaj është besimi te potenciali që ai sjell me vete që nga lindja.
Përgatiti: Perparim Blakaj, Prinderimi.com.
Autor: Doan Xh., “Prind kreativ” (Udhëzues ideal për një prind kreativ)
