Edukata nuk është diçka që fillon me shkollën. Kur fëmijët bëhën pjesë e këtij rrugëtimi, ata tashmë e kanë të mbjellur një formësim edukativ. Prej këtu e tutje, shkolla është vendi ku vihet ne funksion shprehësia dhe përforcimi i edukatës. Shkolla bartet në mevetësinë e saj, me funksion primar-arsimimin.
Duke e shndërruar përforcimin e edukatës dhe mësimnxënien në nivele përkatëse. Me fjalë të thjeshta, nxënësit vijnë në shkollë me një fjalë përshendetëse e me një fjalë shoqëruese, të cilën e transmetojnelë te mësimdhënësii, shoku e shoqja, apo edhe te çdo individ tjetër. Kjo mase edukative, është shenjë e një edukimi të hershëm e të mirëfilltë, qe si nismelë ka pragun e shtëpisë.
Qe shkolla ka parim kryesor arsimimin, na e dëshmon rregullimi i brendshëm dhe sistemi veprues i mësimdhënies/mësimnxënies që rregullohet e aplikohet përmes kurrikulës.. Sepse në shkolla, nuk ka një listë lëndore, që dominohet me qëllime edukative. P.sh. Mësimi e njohja e shenjave të trafikut, është përforcim i sjelljes, por më shumë është aftësim për jetë. P.sh. Përshendetja e respekti i të moshuarve, si këshillë e dhënë nga mësuesi, është fuqizim i sjelljes, mirëpo i mvishet një edukatë që tashmë ka hedhur hapat e parë të formësimit. Kjo është tejet e dobishme, sepse është kulturë që mbështetet nga binomi familje-shkollë. Lista e lëndëve mësimore është nxënie e dijes.
Profilizohet materia që vihet për nxënie, duke pasur kujdes e përkushtim ndaj asaj, ku ngre krye prirja e nxënësit. Ngatërrimi i edukatës e arsimimit, po e lë në hije shumë herë funksionin që ka shkolla dhe akteret brenda saj. Edukata e hershme do ta ndihmonte dobishëm vënien e potencialit të fëmijevë në mësimnxënie. Kësisoj, do të kulmonte haptas e për të mirë, sjellja, morali, kultura e leximit, kultura e shoqërimit, e të shprehurit, kultura sportive dhe ajo e shëndetit. Të gjitha këto si të formësuara, do ta ndihmonin nxënësin që të ketë qasje sistematike e të vullnetshme ndaj lëndëve e detyrave mësimore. Mirëpo, jo duke bërë kapërcime. Bie fjala, kur nxënësi ka një kulturë e sjellje jo të mirë, duhet patjetër që të punohet me të. Duke i dhënë shkollës e individëve brenda saj, një funksion të shpërndarë, mbi edukatën e mësimdhënien. Në këtë menyrë krijohet ambientim me shkollën, shoqerinë, mësimdhënësit dhe synimeve që vihen para.
Autor: Flamur Foniqi, Mësimdhënës
