Nëse nuk keni durim t’i shpjegoni diçka fëmijës tuaj, gjeni dikë që do ta bëjë atë për ju. Nuk ka nevojë të torturoheni dhe të prishni marrëdhënien me fëmijët tuaj, e marrëdhënie e cila vështirë që rifitohet më vonë.
Ne sot jetojmë në një shoqëri në të cilën fëmija me sukses të dobët në shkollë bëhet turp për prindërit. Shqetësimi i përhershëm i mësuesve është që prindërit nuk fokusohen tek detyrat e shtëpive. Prindërit i konsiderojnë detyrat e shtëpisë si të panevojshme, të lodhshme dhe stresuese. Ajo se çfarë ofron mësuesi në klasë, nuk mjafton që fëmija të arrijë rezultate maksimale.
Prindi duhet të marrë frymë thellë, të qetësohet dhe të kuptojë se suksesi i fëmijës së tij nuk varet nga notat e shkollës ose nga ndonjë sukses tjetër social. Për më tepër, përgjegjësia për gjendjen emocionale qëndron tek secili prej nesh. Nëse një prind vetëm e kundërshton fëmijën, do të shkaktojë një stuhi emocionesh tek ai. Ambicia pindërore nuk është shumë inkurajuese. Prindër të tillë perfeksionistë udhëhiqen kryesisht nga ndjenjat e kontrollit.
Përgjegjësia
Lërini fëmijët të ulen dhe t’i bëjnë vetë detyrat e tyre. “Ju keni mbaruar tashmë shkollën, pse do ta përfundonit atë për herë të dytë?” Unë insistoj që detyra e shtëpisë së fëmijës është përgjegjësi e fëmijës, ndërsa kontrolla përgjegjësi e juaja. Dhe tutje pas klasës së pestë, përgjegjësia është vetëm mbi fëmijën. Prindi vetëm duhet të dijë të mbikqyrë e kontrollojë në mënyrë të moderuar fëmijën e tij.
Kontrollo shëndetin e fëmijës
Nëse një fëmijë nuk po përparon në nota, ka të ngjarë të jetë një nga pengesat e të mësuarit: disleksia, disgrafia, vonesat në zhvillim dhe në këtë rast duhet t’i drejtohet një eksperti. Mos harroni se marrëdhëniet familjare janë shumë të rëndësishme. Pra, një atmosferë paqësore në familje është më e rëndësishme se çdo mësim apo notë. Duhet gjithmonë të kemi parasysh se bota nuk do të shembet nëse një fëmijë nuk mëson diçka. Në çdo situatë, madje edhe atë që nuk mund ta kuptoni fare, mbani një marrëdhënie konfidenciale. Është shumë e vështirë për ta mbajtur atë nëse prindi ankohet vazhdimisht.
Po e potencojmë sërish, nëse nuk keni durim t’i shpjegoni diçka fëmijës tuaj, gjeni dikë që do ta bëjë atë për ju. Nuk ka nevojë të torturoheni dhe të prishni marrëdhënien me fëmijët tuaj, e marrëdhënie e cila vështirë që rifitohet më vonë.
Burimi: P. Shtini (Portali Shkollor Albas)
Përzgjedhur nga redaksia: Prinderimi.com
