Ministria e Arsimit, Shkencës, Teknologjisë dhe Inovacionit (MAShTI) ka publikuar rezultatet preliminare të Provimit të Maturës Shtetërore për vitin 2025. Nga gjithsej 18.800 maturantë që aplikuan, provimit iu nënshtruan 18.130, prej të cilëve 12.316 e kaluan me sukses, duke arritur një shkallë kalueshmërie prej 68.6%. Ky rezultat përfaqëson një performancë solide dhe një përmirësim të lehtë krahasuar me vitet paraprake, por gjithashtu përbën një tregues të qartë për nevojën e përmirësimit të mëtejshëm në përgatitjen e nxënësve për sfidat akademike.
Në përputhje me objektivat e digjitalizimit të shërbimeve publike, 18.016 nxënës kanë marrë rezultatet përmes platformës “eKosova”. Nxënësit që e kanë kaluar provimin, do të kenë mundësi ta shkarkojnë certifikatën zyrtare nga data 3 deri më 7 korrik përmes së njëjtës platformë, një dokument i domosdoshëm për fazën e aplikimit në universitet.
Afati për Ankesa: Mos e humbni mundësinë për rishqyrtim
Nëse jeni të pakënaqur me rezultatin e publikuar, afati për paraqitjen e ankesave është nga sot, data 1 deri më 3 korrik. MAShTI ka garantuar një proces të rregullt, të monitoruar dhe transparent, duke respektuar të drejtën e çdo maturanti për një rivlerësim të drejtë.
Kam shënuar rezultatet të mira, kur mund të aplikoj në Universitetin e Prishtinës?
Për ata që synojnë të vazhdojnë studimet në Universitetin e Prishtinës, konkursi për pranimin e studentëve në vitin e parë të studimeve për vitin akademik 2025/2026 tashmë është hapur.
-
Në nivelin baçelor, UP-ja do të regjistrojë 5.654 studentë të rregullt.
-
Ndërkohë për studentët që kanë mbaruar studimet baçelor, njoftohen se është hapur edhe konkursi për studimet master, duke ofruar një spektër të gjerë programesh akademike në fusha të ndryshme.
Universiteti i Prishtinës ofron jo vetëm një traditë akademike, por edhe një ambient stimulues ku studentët nxitën të zhvillojnë kapacitetet kritike, praktike dhe shkencore për tregun e sotëm të punës.
📌 Për detaje mbi konkurset dhe kushtet e aplikimit, vizitoni:
🔗1-553, 30.6.2025, Konkurs për pranimin e studentëve në vitin e parë të studimeve baçelor për vitin akademik 2025/2026
🔗 1-554, 30.6.2025, Konkurs për pranimin e studentëve në vitin e parë të studimeve master për vitin akademik 2025-2026
Dokumentet e nevojshme për regjistrim të kandidatëve të pranuar në Universitetin e Prishtinës:
Kandidatët e pranuar në vitin e parë të studimeve në Universitetin e Prishtinës janë të obliguar të dorëzojnë dokumentet e mëposhtme gjatë procesit të regjistrimit:
a) Fletë-regjistrimi e plotësuar, e cila duhet të shkarkohet dhe të shtypet (në format bardh e zi) nga platforma zyrtare:
🔗 http://apliko.unipr.edu
b) Dy fotografi (formati 4.5 x 6 cm), të realizuara sipas standardeve të përcaktuara për dokumente personale zyrtare.
c) Sipas Udhëzimit Administrativ të MASHTI-t Nr. 09/2021, të gjithë studentët që fillojnë studimet në Universitetin e Prishtinës janë të obliguar të respektojnë detyrimet që dalin nga ky udhëzim, përfshirë dokumentacionin plotësues që mund të kërkohet në përputhje me rregulloret e brendshme të UP-së dhe dispozitat ligjore në fuqi.
🎓 Maturantë dhe prindër, tani është momenti!
👉 Verifikoni rezultatin tuaj në platformën eKosova dhe mos harroni të shkarkoni certifikatën në kohë. Nëse keni ndonjë paqartësi, dorëzoni ankesën tuaj deri më 3 korrik.
🎯 Pastaj, orientohuni drejt së ardhmes për ju apo fëmijët tuaj: aplikoni në Universitetin e Prishtinës dhe bëhuni pjesë e gjeneratës që ndërton të ardhmen, me dije dhe përkushtim.
