Çdo fëmijë është i veçantë
Vetëbesimi është domethënia e asaj që ne mendojmë për vetveten.
Vetëbesimi i referohet mënyrës se si fëmija ndihet rreth vetes dhe si pret ai të pranohet dhe vlerësohet prej njerëzve që janë të rëndësishëm për të.
Vetëbesimi prezanton tek një fëmijë nevojën për të qenë pjesë e rëndësishme e familjes si dhe të pranohet nga ajo, pa kushte. Pra, vetëbesimi nukështë thjeshtë ta pëlqesh veten, por një reflektim i karakterit të fëmijës dhe vetë-respektit.
Njohuritë e para për vetëbesimin fëmija i merr nga prindërit.
Fëmija është pjesëtar aktiv i zhvillimit të vetëbesimit. Ai e zhvillon ketë ndjenjë përmes komenteve, të cilat i merr në marrëdhënie me prindërit, familjen e gjerë, fqinjët, fëmijët e tjerë, etj. Dashuria, besimi, autonomia, iniciativa, vetëkontrolli dhe aftësia për të bashkëpunuar me të tjerët kontribuojnë në mënyrën se si fëmija ndihet rreth vetes si individ.
Vetëm fëmija, i cili e ka zhvilluar vetëbesimin, është i gatshëm ta zbulojë botën që e rrethon.
Fëmija e zhvillon vetëbesimin kur:
• kupton se është pranuar me dashuri;
• kujdeseni për të dhe kur i kushtoni vëmendje të duhur;
• ka besim te ju dhe kur ju keni besim tek ai;
• e ndien se është i respektuar;
• e nxitni për aktivitete;
• i besoni ndonjë përgjegjësi që mund ta bëjë;
• e dëgjoni dhe e çmoni mendimin e tij;
• e inkurajoni dhe e lejoni që për disa gjëra të vendosë vetë;
• e lavdëroni për vepra konkrete fjalët e mira janë rrugë e sigurt që fëmija të krijojë mendim të mirë për veten;
• i kërkoni falje për gabimet tuaja;
• e nxitni që të shoqërohet me të tjerët;
• e nxitni të mendojë pozitivisht për vetveten.
Treguesit se te fëmija është zhvilluar vetëbesimi janë, kur:
• për një kohë të caktuar mund të qëndrojë pa prindër;
• e pranon përgjegjësinë për atë që bën;
• lehtë krijon kontakte dhe ka besim te të tjerët;
• rrallë bie në konflikt;
• pranon kritika dhe mëson nga to;
• shprehet i gatshëm për të kërkuar falje;
• i shpreh idetë dhe kërkesat e veta në mënyrë të qartë;
• tregon sukses dhe ëndrueshmëri në aktivitete. Udhëzime për motivimin e vetëbesimit:
• këtë e bëre mirë;
• kjo qenka ide shumë e mirë;
• besoj se ti mundesh;
• më duhet ndihma jote;
• ti e bën shumë mirë këtë;
• shumë mirë e sqarove;
• gëzohem që ti po kënaqesh;
• ke të drejtë;
• faleminderit!
