A keni ëndërruar ndonjëherë të gërshetoni dashurinë për natyrën me mirëqenien e familjes suaj? Të ushqyerit e zakoneve të shëndetshme shkon përtej ushtrimeve fizike, që shpesh është mendimi i parë kur flasim për mirëqenien.
Për mua, zakonet e shëndetshme nënkuptojnë krijimin e një lidhjeje të gjallë me natyrën, ndezjen e dashurisë për lëvizjen dhe ushqimin e trupit me lëndë të pasura për aventura (dhe ushqime të shëndetshme!).
Si ish-naturopat dhe tani shkrimtar për prindërimin në natyrë, mezi pres t’ju ndihmoj ju dhe familjen tuaj të zhvilloni zakone të shëndetshme. Nga snacket për piknik deri te lojërat e ndërgjegjësimit gjatë ecjes. Madje do të ndaj me ju edhe “paketën” time personale të ilaçeve natyrale dhe metodave kundër stresit që më ndihmojnë të qëndroj i qëndrueshëm dhe i fortë. Së bashku, le të zbulojmë se si natyra mund të jetë receta magjike për një familje të lumtur dhe të shëndetshme.
Zakonet e shëndetshme të prindërve në natyrë
Aventurat me fëmijët krijojnë kujtime të qëndrueshme dhe forcojnë lidhjet familjare. Për prindërit, ato janë një mundësi për të demonstruar dhe mësuar fëmijët mbi rëndësinë e shëndetit dhe mirëqenies. Të ndërtosh zakone të shëndetshme është një qasje e vetëdijshme për të rrënjosur vlera që formojnë bazën e një familjeje të fortë dhe të lulëzuar.
Aventura nuk është thjesht një sfidë fizike; është një përvojë e plotë që angazhon mendjen, trupin dhe shpirtin. Kur prindërit i japin përparësi shëndetit gjatë aventurave, ata jo vetëm që japin shembull për fëmijët, por edhe krijojnë një mjedis ku mirëqenia bëhet pjesë e identitetit familjar.
Zakone të tilla jo vetëm që rrisin vitalitetin fizik, por edhe forcojnë elasticitetin emocional dhe mirëqenien mendore. Përmes zgjedhjeve të vetëdijshme në natyrë, nënat dhe baballarët mund të krijojnë një rrëfim pozitiv që i mëson fëmijët jo vetëm si të eksplorojnë botën jashtë, por edhe si të lundrojnë jetën me një mentalitet të qëndrueshëm dhe të përqendruar në shëndetin e tyre.
Rritja e zakoneve të shëndetshme
Le ta sqarojmë diçka që në fillim – “rritja e zakoneve të shëndetshme” nuk ka të bëjë me humbjen e peshës. Ky artikull nuk është për këtë. Ne fokusohemi në kultivimin e pozitivitetit trupor dhe dhënien e një shembulli të shëndetshëm për ata të vegjël që na vëzhgojnë dhe modelojnë perceptimin e tyre ndaj trupit përmes nesh si prindër.
Nuk ka të bëjë me peshën, por me ushqyerjen e trupit me ushqime të shijshme, të pasura me lëndë ushqyese dhe që ofrojnë energji të qëndrueshme. Këto na ndihmojnë të kemi kushtet e duhura për të lulëzuar.
Prindërimi është rraskapitës dhe stresues. Por njohja e trukeve për të ruajtur energjinë dhe lehtësuar stresin e përditshëm, duke mbajtur një këndvështrim pozitiv ndaj jetës, është ajo ku ndodh magjia. Rritja e zakoneve të shëndetshme ka të bëjë me ndërtimin e qëndrueshmërisë për veten, fuqizimin e mendjes dhe trupit dhe krijimin e një mjedisi të gëzuar për familjen. Këto janë zakone që duhen festuar.
Duke ushqyer aventurierët e vegjël
Javën e kaluar, fëmija im katërvjeçar po ngiste biçikletën në oborr dhe më kërkoi të shkonim në një aventurë të shpejtë. Nuk e mendova gjatë dhe thashë: “Sigurisht!”, mora një shishe ujë dhe disa ushqime në një çantë shpine, ndërsa ai përpiqej të bënte manovra mbi zhavorr.
Ne kaluam rrugën për në një rezervat natyror. Prisja të bënim një milje dhe të ndaleshim për një meze të lehtë. Por ajo që ndodhi ishte një udhëtim epik prej 8 kilometrash, ku unë dhe qeni vraponim pas fëmijës tim të mbushur me energji, i cili ndalej çdo 10 minuta për të ngrënë një kafshatë dhe më pas vazhdonte.
Çdo aventurë e vogël mund të kthehet në diçka të madhe. Me fëmijët, gjithçka është një mundësi, dhe shpesh planet ndryshojnë papritur. M’u deshën vite të kuptoja se duhej të isha i përgatitur për të papriturat. Një pjesë e kësaj ishte gjetja e ushqimeve të duhura për t’i mbajtur fëmijët e mi të ushqyer dhe të hidratuar gjatë aventurave.
Kujdes gjatë ecjes
Gjithmonë më kanë intriguar shtresat e ndryshme të një shëtitjeje me fëmijët. Nga një këndvështrim i thjeshtë – dhe ndoshta edhe nga ai i fëmijëve – ecja është thjesht… ecje. Por kjo është edhe bukuria e saj.
Kur bëjmë një shëtitje me fëmijët, kemi mundësinë të angazhohemi plotësisht në momentin aktual, duke nxitur një ndjenjë të thellë të ndërgjegjësimit dhe qetësisë. Heqja e stimujve të jashtëm, si pajisjet elektronike apo aktivitetet e strukturuara, na lejon të përjetojmë personalitetin e tyre të vërtetë.
Unë kam pasur disa nga bisedat më kuptimplota me fëmijët e mi gjatë ecjeve. Kur gjithçka që kërkohet prej nesh është të vendosim njërën këmbë pas tjetrës dhe të jemi të pranishëm, krijohet një lidhje e thellë. Studimet tregojnë se praktikimi i ndërgjegjes përmirëson rregullimin emocional dhe vetëdhembshurinë, duke çuar në një ndjenjë më të madhe paqeje dhe mirëqenieje.
Më poshtë janë dy aktivitete të thjeshta që mund t’i provoni gjatë shëtitjeve:
Teknika 5-4-3-2-1: Pyetini fëmijët të përmendin 5 gjëra që shohin, 4 që prekin, 3 që dëgjojnë, 2 që nuhasin dhe 1 që shijojnë. Tokëzimi është një teknikë shumë e thjeshtë që përdoret gjithashtu shpesh për të ndaluar ankthin. Kur ecim në shëtitje, ne e përdorim atë për të përqendruar një fëmijë dhe për t’u përqëndruar në rrethinën e tij, duke inkurajuar vëmendjen.
Shpesh e ndihmon fëmijën të marrë pjesë në teknikë, edhe nëse kujdestari fillon i pari, nuk ka rëndësi nëse ka poashtu fëmijë që zgjedhin të njëjtat gjëra. Bëhet fjalë për çdo mendim që të jetë në momentin aktual dhe të marrë kohë për të përvetësuar dhe përpunuar me të vërtetë mjedisin tuaj.
Hiking symbylltazi: Njëri ecën me sy të mbuluar, ndërsa tjetri e udhëheq. Ky ushtrim i ndihmon fëmijët të përdorin shqisat e tjera dhe të mësojnë të besojnë udhëheqësin e tyre.
Një tjetër lojë e thjeshtë e vëmendjes për të luajtur është Hiking Blind. Ky është një aktivitet për ndërtimin e besimit që i ndihmon fëmijët të përqendrohen në mjedisin e tyre. Zgjidhni një person për të udhëhequr ngadalë, më pas bashkoni duart në një zinxhir.
Natyrisht, kjo nuk do të bëhej në terren që është shumë i pabarabartë, por do të funksionojë në shtigje të drejtpërdrejta.
Sigurohuni që të mos jenë gjithmonë të rriturit në krye. Edhe fëmijët duan të jenë udhëheqës! Qëllimi i këtij ushtrimi është të përqendrojë përsëri trurin në atë që po ndodh në atë moment. Të qenit me sy të lidhur dhe të udhëhequr në shteg për një kohë të shkurtër rrit përdorimin e shqisave të tjera. Duhet përqendrim në ndjenjën e personit përballë dhe tokën nën këmbët tuaja për të ecur përpara.
Prindërimi është një përvojë e bukur, por shpesh stresuese. Të qenit jashtë ndihmon, por mund të shtoni disa zakone për më shumë përfitime.
Çajra bimorë
Unë pothuajse gjithmonë e mbaj sobën time portative me gaz gjatë shëtitjeve, edhe në raste kur bëjmë vetëm një piknik apo kalojmë kohë në një shesh lojërash. E përdor më rrallë në verë, por në çdo periudhë tjetër të vitit është pjesë e aventurave tona.
Më pëlqen shumë të përgatis çaj bimor në natyrë. Fëmijët e mi zakonisht zgjedhin çaj frutash ose çokollatë të nxehtë, ndërsa unë preferoj çajrat bimorë për përfitimet e tyre shtesë. Këtu janë disa nga të preferuarit e mi:
- Çaji jeshil – Ka një nga përqendrimet më të larta të antioksidantëve ndër të gjithë çajrat, përmirëson shëndetin kardiovaskular dhe ndihmon në përqendrim.
- Rooibos – Ky çaj bimor afrikan, i theksuar roy-bos, është pa kafeinë dhe ka një shije të butë, natyralisht të ëmbël me nuanca tokësore. Mendoj se jam pak e varur nga ai!
- Balsam limoni – Ky çaj nuk është i thartë siç mund të sugjerojë emri. Që në Mesjetë është përdorur për të reduktuar stresin, për të përmirësuar gjumin dhe për të lehtësuar shqetësimet e stomakut.
- Kamomili – Një çaj që ndan njerëzit në dy grupe: ata që e duan dhe ata që nuk e pëlqejnë aromën e tij të veçantë lulesh. Megjithatë, është i njohur për efektet e tij qetësuese në mendje dhe në sistemin tretës.
Magnezi – për një trup dhe mendje më të fortë
Disa shqetësime të zakonshme që shoqërojnë prindërimin përfshijnë lodhjen, dhimbjet e trupit, problemet me gjumin, stresin dhe ankthin. Magnezi mund të ndihmojë në të gjitha këto aspekte. Ai luan një rol kyç në rregullimin e sistemit nervor, duke ndihmuar në ruajtjen e qetësisë në situata stresuese. Përveç kësaj:
- Mbështet një gjumë më të qetë
- Lehtëson dhimbjet e kokës përmes efektit të tij relaksues në muskuj
- Ndihmon në prodhimin e energjisë dhe redukton lodhjen
Unë e mbaj gjithmonë një pluhur magnezi në qilarin tim dhe e shtoj në mëngjesin tim me bircher muesli ose në smoothie-t që përgatis. Është gjithashtu i lehtë për t’u marrë me vete gjatë kampingut dhe ndihmon për një gjumë më të mirë në tendë!
Shënim: Para se të merrni ndonjë suplement të ri, veçanërisht nëse jeni duke përdorur medikamente ose keni probleme shëndetësore, konsultohuni me mjekun tuaj.
Ditari në natyrë
Mbajtja e një ditari është një praktikë tepër terapeutike dhe fuqizuese për nënat. Një ditar shërben si një hapësirë personale për të reflektuar mbi përvojat, për të shprehur emocionet, për të dokumentuar aventurat, për të shënuar mirënjohjen, për të përpunuar sfidat dhe për të festuar arritjet.
Akti i thjeshtë i të shkruarit ndihmon për të fituar qartësi mendore, rrit vetëdijen, ul stresin dhe forcon lidhjen me veten. Ditari bëhet një shoqërues i besueshëm në rrugëtimin e prindërimit, duke ndihmuar në ndërtimin e elasticitetit emocional dhe në kujdesin për veten.
Unë gjithmonë mbaj një fletore në çantën time dhe inkurajoj edhe fëmijët e mi (ata që dinë të shkruajnë) të mbajnë një të tyren. Kur ndalemi diku gjatë një shëtitjeje, në plazh apo në një park kombëtar, shfrytëzoj kohën e tyre të zënë me lojë për të shkruar për ditën ose javën time – shpesh duke shijuar një filxhan çaj bimor.
Ky zakon është gjithashtu një mënyrë e shkëlqyer për t’ua modeluar fëmijëve dhe për t’i inkurajuar ata të angazhohen në të. Jo vetëm që i ndihmon në menaxhimin emocional, por gjithashtu u zhvillon aftësitë e të shkruarit dhe të reflektimit.
Autor: Jacqui
Solli në shqip: Prinderimi.com
*Klikoni KËTU për t´u bërë pjesë e kanalit zyrtar të Rrjetit të Prindërve të Kosovës në Viber.
