Kohët e fundit, pasojat e ndryshimeve të papritura të motit po ndihen gjithandej. Këto ditë, është e mundur që një anëtar i familjes ose kolegët në punë të kenë filluar të përjetojnë simptoma të gripit. Luhatjet e temperaturave ndikon në organizmin tonë, duke e bërë këtë periudhë një kohë të përshtatshme për përhapjen e infeksioneve. Nëse ju ka kapur gripi, ja disa këshilla që mund t’ju ndihmojnë të përballoni këtë periudhë dhe të kaloni shpejt më tej.
1. Hidratimi është çelësi
Përveçse është një këshillë e zakonshme, hidratimi është thelbësor për të mbajtur trupin të pastër nga toksinat dhe për të qetësuar fytin. Pini ujë në sasi të mjaftueshme gjatë ditës dhe shmangni pijet me sheqer dhe qumësht, pasi ato mund të rëndojnë më tepër organizmin nëse keni mukozë. Nëse ndiheni të sëmurë, një filxhan çaj mund të jetë më shumë se i mjaftueshëm për t’ju ndihmuar të përballoni gripin.
2. Mos harroni Vitamina C
Vitamina C është një mbrojtës i fuqishëm për sistemin imunitar dhe një ndihmës i shkëlqyer për të luftuar gripin. Nëse nuk mund të konsumoni mjaftueshëm fruta të freskëta, si portokalle dhe qitro, mund të shtoni një dozë të vitaminës C çdo ditë në formë suplemente. Antioksidantët janë shumë të rëndësishëm për të minimizuar rrezikun e sëmundjeve, dhe një regjim ushqimor i pasur me fruta dhe perime mund të zvogëlojë mundësinë e infeksioneve.
3. Probiotikët dhe Vitamina D
Një tjetër element që mund t’ju ndihmojë është konsumimi i probiotikëve çdo ditë. Ata jo vetëm që ndihmojnë në forcimin e sistemit imunitar, por gjithashtu mund të parandalojnë infeksionet. Vitamina D gjithashtu është e rëndësishme, sidomos gjatë muajve të ftohtë kur ekspozimi ndaj diellit është i kufizuar. Mund të përdorni edhe vajin e peshkut si një burim natyral të kësaj vitamine.
4. Çorapet e lagura – Një metodë e thjeshtë, por E efektshme
Nëse tashmë keni kapur gripin dhe po përjetoni simptoma të tjera të ftohjes, mund të provoni një metodë të njohur që mund t’ju ndihmojë të relaksoheni dhe të përmirësoni qarkullimin e gjakut. Ajo është veshja e çorapeve të lagura. Ky proces përmirëson mikroqarkullimin e gjakut dhe mund të ndihmojë në lehtësimin e simptomave të tilla si dhimbjet e kokës ose mbingarkesa e sinuseve. Pasi të keni ngrohur këmbët në ujë të ngrohtë, lagni çorapet dhe vishni ato. Mbi to, vishni çorape të thata ose qese plastike dhe shtrihuni për të fjetur. Në mëngjes, do të ndiheni shumë më mirë.
Këto janë disa nga këshillat që mund t’ju ndihmojnë të përballoni gripin dhe të kaloni këtë periudhë sa më shpejt dhe më lehtë. Kujdesuni për veten dhe mos harroni t’i ndiqni këto këshilla për të mbajtur shëndetin në gjendje të mirë gjatë këtij sezoni të ftohtë!
*Klikoni KËTU për t´u bërë pjesë e kanalit zyrtar të Rrjetit të Prindërve të Kosovës në Viber.
