Rruga drejt ferrit është e shtruar me qëllime të mira…
E di, e di, tingëllon pak dramatike. Por e vërteta është se, nëse dëshironi që fëmijët tuaj të kontribuojnë më shumë në punët e shtëpisë, një tabelë me detyra mund të jetë gjëja e fundit që ju duhet.
Do t’ju shpjegoj pse, por fillimisht lexoni disa këshilla për ta bërë prindërimin dhe jetesën me pak ekran më të lehtë.
Në përgjithësi, tabelat me detyra shpesh dështojnë për disa arsye:
1️⃣ Mbajtja e tyre në vazhdimësi bëhet një tjetër gjë për t’u kujdesur (barrë mendore që është tashmë e rëndë).
2️⃣ Ato motivojnë fëmijët që të bëjnë VETËM gjërat që janë të listuara në tabelë (në vend që të jenë ndihmues në përgjithësi).
3️⃣ Mund të demotivojnë fëmijët të kontribuojnë kur nuk ka shpërblim të prekshëm.
Cila është zgjedhja më e mirë?
Ndihmoni fëmijët të përfshihen në punët e shtëpisë duke i ftuar dhe inkurajuar, në vend që të mbështeteni në delegimin e detyrave specifike.
Disa këshilla praktike:
1️⃣ Filloni herët – edhe fëmijët e vegjël mund të ndihmojnë dhe shpesh janë shumë të motivuar në këtë moshë.
2️⃣ Punoni së bashku – fëmijët janë zakonisht shumë më të motivuar të punojnë së bashku sesa të marrin detyra të veçuara.
3️⃣ Mbajeni të thjeshtë – Jepini udhëzime të shkurtra dhe të qarta për të mos i mbingarkuar.
Por këshilla më e rëndësishme është të shmangni dëshirën për t’i kontrolluar vazhdimisht. Asgjë nuk është më demotivuese sesa ndjenja që kontributet e tua nuk vlerësohen.
Pra, nëse i kërkoni fëmijës tuaj të fshijë banakun, lëreni të mbajë leckën në mënyrën e vet. Tregojeni një herë ose dy herë dhe më pas lëreni të mësojë përmes provës dhe gabimeve.
Të mësuarit se si të përfshij fëmijët e mi në punët e shtëpisë ka qenë një përvojë e shkëlqyer për mua DHE për fëmijët. Ata po mësojnë, dhe unë nuk mbështetem te koha e ekranit për të përfunduar punët në shtëpi.
Burimi: Andrea Brambila
© Prinderimi.com Të gjitha të drejtat e rezervuara.
