A çon kujdesi dhe interesimi i tepruar në privim emocional?
Vëmendja e prindërve ndaj fëmijës më shumë se ç’duhet, mbrojtja e tepërt, dashuria e tepërt dhe çdo gjë që bëjnë në vend të tyre, e pengojnë zhvillimin e fëmijës. Fakti që prindërit nuk e detyrojnë fëmijën t’i bëjë gjërat që ai mund t’i bëjë kur rritet dhe i bëjnë ata në vend të tij, mund të bëjë që pas një kohe kufijtë e privimit emocional të fëmijës të zgjerohen.
Për shembull: Nuk është e drejtë që nëna t’ia veshë këpucët fëmijës ndonëse ai është 6 vjeç. Fakti se një fëmije të tillë nuk i vishen këpucët pas njëfarë kohe, bën që ai të përjetojë privim emocional. Ndihet sikur nuk po interesohet askush për të.
Përveç kësaj, blerja e vazhdueshme e lodrave (ose blerja e diçkaje) si shenjë dashurie, interesi dhe kujdesi për një fëmijë mund të shkaktojë privime emocionale që janë të vështira për t’u përballuar pas një kohe. Përsëri, mësimi i fëmijës me blerjen e lodrave mund ta bëjë atë të ndihet i pavlerë dhe të shkaktojë privim emocional për lodrat që nuk do të blihen më vonë.
Autor: Dr. Adem Gynesh, ”Çfarë bëjnë fëmijët dhe pse? (2)”
Prinderimi.com
