Ministria e Arsimit ka publikuar Platformën e konsultimeve publike draftin e Udhëzimit Administrativ për kalendarin e vitit shkollor 2024-2025.
Viti ri shkollor fillon më 2 shtator.
Njoftimi i Nagavcit:
Kemi publikuar në Platformën e konsultimeve publike draftin e Udhëzimit Administrativ për kalendarin e vitit shkollor 2024-2025.
Ky UA përcakton fillimin dhe mbarimin e vitit shkollor 2024/2025 në të gjitha institucionet publike dhe private, respektivisht të vitit mësimor sipas niveleve, pushimin vjeshtor, pushimin dimëror, pushimin pranveror, festat publike për nxënësit e shkollave fillore, klasave parafillore, shkollave të mesme të ulëta, shkollave të mesme të larta, institucionet parashkollore dhe qendrat burimore për mësim dhe këshillim.
Falenderoj grupin punues i cili e ka hartuar këtë kalendar i cili ka qenë gjithpërfshirës i përbërë nga mësimdhënës, përfaqësues të DKA-ve e përfaqësues nga MAShTI.
Dokumenti do të jetë i hapur për komente deri 30.08.2024 andaj ju ftoj të gjithëve të bëheni pjesë e këtij diskutimi publik. Të gjitha mendimet e sugjerimet do të vlerësohen në mënyrë profesionale.
