Si duhet mësuar një gjuhë e dytë?
Dy vitet e para për fëmijën janë periudha e zënies rrënjë të gjuhës së nënës. Nga pikëpamja pedagog- jike, mësimi i një gjuhe të dytë duhet bërë pas vënies së këtij themeli të gjuhës së parë.
Gjërat që duhet të kenë parasysh prindërit që duan t’u mësojnë një gjuhë të dytë fëmijëve, janë këto:
(1) Nëse prindërit përdorin dy gjuhë të ndryshme, kjo përbën një avantazh të madh. Së pari, në familje vendoset se cilën prej tyre fëmija do ta ketë gjuhë të parë. Gjashtë muajt e parë fëmija duhet të dëgjojë vetëm gjuhën e parë. Në këtë mënyrë, në memorien pasive ndërtohet një bazë fonetike e gjuhës së parë. Pastaj futet në lojë prindi tjetër, i cili i flet fëmijës vetëm në gjuhën e dytë dhe kurrsesi në gjuhën e prindit tjetër. Në këtë mënyrë, secili nga prindërit i flet fëmijës me një gjuhë të ndryshme. Pas njëfarë kohe, fëmija do t’i flasë secilit prind me gjuhën përkatëse. Në këtë mënyrë fëmija mund të mësojë dy gjuhë madje pa e kuptuar se po flet dy gjuhë të ndryshme.
(2) Tek fëmijët që do të mësojnë dy gjuhë, nëse gjuha e parë është e nënës, kjo ndikon pozitivisht në proces.
(3) Nëse fëmija pas moshës 4 vjeçare kalon kohë me dikë që flet një gjuhë të tretë, e krijon pa asnjë vështirësi edhe bazën e kësaj gjuhe dhe në varësi të forcës së komunikimit, e mëson lehtësisht edhe atë.
(4) Prania e një dadoje me gjuhë të ndryshme, e ndihmon mësimin e gjuhës tek fëmija. Familjet që i kushtojnë rëndësi gjuhës, mund të preferojnë dado që flasin një gjuhë tjetër. Por nuk duhet harruar se asnjë dado s’mund t’i bëhet mbështetje emocionale fëmijës sa nëna.
(5) Gjëja më e rëndësishme që duhet pasur kujdes gjatë mësimit të një gjuhe të dytë, është të mos i krijohet fëmijës konfuzion fonetik. Konfuzioni fonetik krijohet kur personi nga i cili fëmija mëson gjuhën, flet në dy gjuhë. Për shembull, nëse nëna flet edhe turqisht edhe anglisht, kjo mund të shkaktojë konfu- zion fonetik tek fëmija. Nga një person fëmija duhet të marrë një gjuhë.
Përgatiti: Prinderimi.com
Autor: Dr. Adem Güneş, “Si veprojnë fëmijët dhe pse?”
