Vuajmë shumë kur i japim fëmijës për të ngrënë. A mund të na ofroni një zgjidhje?
Jam një nënë e punësuar. Gjashtë muaj pas lindjes mu desh të kthehesha në punë. Megjithëse punoja, deri sa im bir u bë 2 vjeç e ushqeva me gji. Po bëhen dy javë që ia kam ndërprerë gjirin, por im bir akoma nuk i ha vaktet. Nuk pi asgjë tjetër veç ujit, madje as qumësht. E çova te doktori, i dha shurup vitaminash dhe gjaku. Edhe ato i merr për njëfarë kohe dhe nis të hajë, por pastaj refuzon edhe ushqimin, edhe ilaçet. Gjatë ditës rri me gjyshen dhe të njëjtën gjë po heq edhe ajo. Nuk dimë ç’të bëjmë.
Merrni leje nga puna dhe kthejani fëmijës nënën…
Mendoj se po përjetoni vështirësinë e të qenit një nënë që punon. Kur fëmijët mbeten pa nënën e tyre para se t’u vijë periudha e ndarjes, mërziten, u përmbyset gjendja emocionale dhe shqetësohen. Ky shqetësim për fat të keq shfaqet së pari tek ushqimi. Gjendja juaj tregon se ka një problem atashimi (afrie). Nëse të ushqyerit e fëmijës ka arritur në pikën që duhet mbështetur me ilaçe, ju këshilloj ta ndërprisni punën për njëfarë kohe dhe të “riktheheni” te fëmija tuaj. Qëndroni pranë tij dhe kaloni kohë me të. Do ta shihni se kënaqësia e të qenit me ju do t’ia rihapë oreksin.
Përgatiti: Prinderimi.com
Autor: Dr. Adem Güneş, “Si veprojnë fëmijët dhe pse?”
