Shtëpi, familje, ajo strehë të sigurt ku mund të gjeni qetësi, mbrojtje dhe siguri. Ai vend ku mund të zhdukni negativitetin e ditës dhe të buzëqeshni përsëri. Të rriten në një mjedis të bashkuar familjar është thelbësore për fëmijët tanë.
Nuk ka familje të përsosur, ky është vetëm një ideal. Ekzistojnë familjet e bashkuara dhe kjo është ajo që ka rëndësi. Bashkimi është një pikë referimi për çdo anëtar të familjes, veçanërisht për fëmijët.
Ne të gjithë jemi qenie njerëzore dhe qenie të papërsosura. Si të tillë, edhe ne bëjmë gabimet tona. Për këtë arsye, ai i familjes së përsosur mbetet vetëm një ideal. Diçka që mund të ekzistojë vetëm në filma dhe shfaqje televizive, por jo në realitet.
Komunikimi, baza për një familja të bashkuar
Familja ideale duhet të jetë e bashkuar, jo e përsosur. Dhe për ta bërë këtë duhet të komunikojë. Komunikimi është baza e çdo marrëdhënieje, dhe duhet të jetë i hapur dhe pa gjykime. Çdo anëtar i familjes duhet të ketë të drejtë të shprehet dhe të dëgjohet. Edhe fëmijët.
Rëndësia e vlerave pozitive
Që të rriten mirë, fëmijëve u duhen vlera dhe rituale pozitive. Të cilat duhet të transmetohen nga prindërit, por edhe nga gjyshërit. Mendoni për puthjen e natës së mirë, për darkën e Krishtlindjes, të gjithë të mbledhur bashkë, të dielave me shoqërinë.
Organizimi i udhëtimeve dhe darkave me familjen ose miqtë, kultivimi i marrëdhënieve, si dhe dhënia e një shembulli të mirë, i ndihmojnë fëmijët tanë të zhvillojnë sjellje pozitive sociale.
Përballimi i ndryshimeve me fleksibilitet
Në një familje duhet të jesh fleksibël dhe të dish të përshtatesh me ndryshimet është shumë e rëndësishme. Kjo vlen si për të rriturit ashtu edhe për fëmijët. Sepse jeta është e paparashikueshme dhe nuk ke pse të fundosesh nga situatat e reja.
Ndodhin të papritura, ngjarjet stresuese, megjithatë ne duhet të mësojmë ta zvogëlojmë stresin dhe jo ta përcjellim atë në familje. Që të të mos rëndojmë klimën dhe të vazhdojmë të bëjmë një jetë të qetë.
Kushtoji kohë. U bën mirë të gjithëve
Prindërimi përfshin një sërë sfidash dhe sakrificash. Por kurrë nuk duhet të lini pas dore personin dhe çiftin tuaj. Kjo është arsyeja pse është mirë të merrni kohë për veten dhe bashkëshorten a bashkëshortin, pa u ndier fajtorë. Do të jetë mirë për ju, por edhe për fëmijët tuaj. Sepse do të jeni më të qetë dhe të lumtur.
Familja është foleja jonë, cepi ynë i Parajsës. Vendi ku kthehemi dhe gjejmë dashuri dashuri, atë dashuri me “D” të madhe. / meb.al
