Duke i ndarë vazhdimisht me të voglin virtytet që ia kemi dalluar, duke e ndihmuar të ndërgjegjësohet mbi vlerat e tij, derisa dalëngadalë të fillojë të dallojë vetë se cilat janë cilësitë më të mira. Megjithatë, duhet pasur parasysh se përpara moshës 7-8 vjeçare, nuk do të jetë në gjendje të vërejë vërtet dhe të japë një gjykim konkret dhe logjik rreth vetes së tij.
Ju mund ta mbështesni në këtë proces të njohjes së vetes:
Duke i kërkuar të bëjë zgjedhje të vogla:
- I do karotat të gjalla apo të ziera?
- Do bëjmë dush apo do lahemi në vaskë?
- Duke i kërkuar të thotë atë që do, atë që dëshiron, atë që nuk i pëlqen;
- Duke i kushtuar vëmendje përgjigjeve të tij, edhe pse ndonjëherë këto përgjigje na lënë pa gojë;
- Duke e pyetur në moshën 4-5 vjeçare që të na përshkruajë atë që vizaton, lojërat ose ndjenjat e tij;
Duke i kërkuar mendimin e tij:
- Të pëlqen e kuqe apo jeshile?
- A të pëlqen edhe ty ky vizatimi?
- Je sjellë mirë me edukatoren ose kujdestaren?
Këtu nuk ka shumë rëndësi nëse fëmija thotë ose jo të vërtetën; e rëndësishme është të ndihet i përfshirë në vetën e parë, duke e mësuar t’i vlerësojë shijet, mendimet dhe gjykimet e tij.
Përgatiti: Prinderimi.com
Autor: Danielle Laporte, “Vetëvlerësimi i fëmijëve 0-6 vjeç”
