Mbyllja e boshllëqeve mësimore është e rëndësishme për t’i ndihmuar nxënësit të kenë sukses. Këtu janë disa strategji dhe teknika për ta bërë këtë:
Të mësuarit e personalizuar: Kjo do të thotë të mësosh çdo nxënës në një mënyrë që funksionon më mirë për ta. Për shembull, nëse një nxënës mëson më mirë me figura dhe diagrame, përdorimi i tyre në mësime mund të ndihmojë në mbylljen e zbratësisë.
Mbështetje shtesë: Ndonjëherë nxënësit kanë nevojë për ndihmë shtesë, si mësimdhënie ose më shumë praktikë në tema të caktuara. Kjo mund të jetë e dobishme për nxënësit që kanë mbetur mbrapa.
Përdorimi i teknologjisë: Shumë aplikacione arsimore dhe burime në internet e bëjnë mësimin argëtues dhe ndërveprues. Këto mund të jenë të shkëlqyera për të praktikuar aftësitë dhe për të kuptuar konceptet e reja.
Përfshirja e prindërve: Kur prindërit janë të përfshirë në mësimin e fëmijës së tyre, mund të bëjë një ndryshim të madh. Ata mund të ndihmojnë me detyrat e shtëpisë, të inkurajojnë leximin në shtëpi dhe të qëndrojnë në kontakt me mësimdhënësin për përparimin e fëmijës së tyre.
Reagimi dhe përshtatja: Mësimdhënësit duhet t’u japin nxënësit komente se çfarë po bëjnë mirë dhe ku duhet të përmirësohen. Ata gjithashtu mund të përshtatin metodat e tyre të mësimdhënies bazuar në atë që funksionon më mirë për nxënësit.
Të mësuarit në bashkëpunim: Ndonjëherë, nxënësit mund të mësojnë shumë nga njëri-tjetri. Puna në grupe ose diskutimet në klasë mund t’i ndihmojë nxënësit t’i kuptojnë gjërat më mirë dhe të plotësojnë boshllëqet.
Vlerësimi i rregullt: Vazhdoni të kontrolloni se si po ecin nxënësit. Në këtë mënyrë, ju mund të shihni nëse metodat tuaja funksionojnë dhe të bëni ndryshime nëse është e nevojshme.
Duke përdorur këto strategji, edukatorët dhe prindërit mund të luajnë një rol të madh në adresimin e boshllëqeve të të mësuarit dhe për të ndihmuar nxënësit të kthehen në rrugën e duhur.
Sqarim: Boshllëk/zbrazëti/mangësi në të mësuar nënkupton kur në çfardo lënde nxënësit i mungon njohuria qoftë praktike, të kuptuarit apo të shprehurit në një aspekt të caktuar. Siq sqarohet më lartë me shembuj të ndryshëm, për të qenë edhe më e qartë po marr një shembull nga letërsia, nëse fëmijët kanë mangësi në figurat stilistike atyre do të ju duhet më shumë punë për të mësuar analizën e poezisë.
Burimi: SplashLearn
Përktheu: Albulena Limani, Prinderimi.com
