Disa prindër mendojnë, se shprehje të tilla i ndihmojnë fëmijët që të kenë edukatë të mirë, por, në fakt, ato japin efekt të kundërt, duke shkaktuar një lloj memecërie sociale te këta fëmijë, të cilët kanë frikë që të japin mendimin ose këndvështrimin e tyre. Po ashtu shprehja: “Ulu në fund të vendtubimit”, i bën ata që të ndihen si të përçmuar dhe si të pavlerë para të tjerëve. Në këtë rast, fëmija ndjen se është i privuar nga respekti dhe vlerësimi në këtë moshë.
“Vitin e parë të jetës së fëmijës së tyre, prindërit e kalojnë duke u përpjekur që ta mësojnë të ecë dhe të flasë, kurse vitet e tjera të jetës i kalojnë duke e detyruar atë që të qëndrojë ulur dhe të heshtë!”
Ndoshta nuk e teproj nëse them, se të gjithë prindërit e bëjnë këtë gjë. Ata gjithmonë i lavdërojnë fëmijët që janë të urtë, që nuk flasin dhe nuk lëvizin, dhe i preferojnë ata më shumë se fëmijët që janë të lëvizshëm dhe të shkathët.
Prandaj gjithmonë u thonë fëmijëve të tyre këtë shprehje: “Ulu dhe hesht”, ndoshta edhe disa herë në ditë, pa menduar seriozisht në domethënien e kësaj shprehjeje dhe ndikimin e saj në të ardhmen e fëmijëve të tyre, si nga ana shpirtërore, ash- tu edhe nga ana trupore”. (Marrë nga libri “Shprehje të rrezikshme”, f.18)
Në këtë mënyrë, ne nuk u japim atyre mundësinë për të fituar shumë aftësi dhe përvoja, shprehje të bukura e të mençura, si dhe rregullat e dialogut, dukekontribuar kështu në fshirjen e aftësive të tyre për t’u bërë yje.
Përgatiti: Prinderimi.com
Autor: Abdulhamid Bilali, ”Si ta bësh fëmijën tënd yll”
