Kjo është një nga shprehjet më të rrezikshme dhe me ndikimin më të madh në vrasjen dhe mbytjen e shenjave për tu bërë një yll tek disa fëmijë. Sa herë që vjen ndonjë ide ose shpikje e re, që mund të jetë shumë e rëndësishme, ajo përballet me këtë shprehje nga njerëzit që i dëgjojnë këto ide, të cilët duket sikur të thonë:
“S’ka asnjë dobi nga ideja jote, sepse çdo ide e re është menduar më parë nga ata që kanë qenë para nesh dhe nuk kanë lënë gjë për të bërë nga ata të kohës sonë”.
Edhe mua personalisht ma kanë thënë këtë shprehje në fillimet e jetës time shkencore, kur isha shtatëm- bëdhjetë vjeç. Në atë moshë, unë i tregova dikujt disa ide të miat dhe ai ma tha këtë shprehje me përçmim dhe tallje. E nëse unë do ta kisha dëgjuar atë dhe do të isha dorëzuar ndaj kësaj shprehjeje, nuk do të kishit lexuar asnjë germë nga këto që po lexoni në këtë libër ose në ndonjë tjetër.
Duhet të bëhesh doktor ose inxhinier
T’i detyrosh fëmijët që nga fëmijëria e tyre, që të ndjekin një degë që ata nuk e pëlqejnë ose që nuk përshtatet me aftësitë, prirjet dhe përgatitjet e tyre, kjo është një nga shkaqet që pengon zhvillimin e aftësive për t’u bërë një yll në të ardhmen.
Ndodh shpesh që, nën pretekstin e bindjes ndaj prindërve, fëmijët të detyrohen të ndjekin ndonjë degë ose specializim të caktuar, të cilin nuk e pëlqejnë, dhe që këtu fillon dështimi, mungesa e rezultateve dhe pavendosmëria. Nëse vazhdojmë në këtë rrugë të gabuar, atëherë treguesit për t’u bërë një yll, që kishin filluar të shfaqen kur ishte fëmijë i vogël, tashmë fshihen fare.
Njeriu nuk do të bëhet një yll, nëse specializohet për diçka që nuk i pëlqen dhe nuk ka prirje, apo nëse nuk ka aftësi dhe gatishmëri për të.
Përgatiti: Prinderimi.com
Autor: Abdulhamid Bilali, ”Si ta bësh fëmijën tënd yll”
