Mënyrat e të menduarit
Përqendrohu më shumë te mënyrat e të men- duarit, sesa te rezultatet. Nuk është e rëndësishme fiti- mi i konkursit apo i vendit të parë, aq sa është e rën- dësishme se me çfarë metodash të të menduarit fëmija arriti në këto zgjidhje. Kjo bëhet duke e lavdëruar atë përpara të gjithëve për metodën e tij të të menduarit, si dhe duke i dhënë dhurata për zgjidhjet e sakta, e po ashtu edhe për metodat e sakta të të menduarit.
T’i japësh mundësi për aventura
Fëmijës duhet t’i japësh mundësi për sfida dhe aventura, me anë të disa lojërave dhe konkurrencës mes tij dhe vëllezërve e motrave të tij ose me anë të ndonjë loje elektronike. Kjo do ta ndihmojë shumë atë, që gjatë rrugës që ndihmojnë për zhvillimin e shpirtit të kreativitetit dhe gjetjes së zgjidhjeve, sidomos lojërat formuese (puzzle).
Merr pjesë në gëzimin e tyre
Mendjet e fëmijëve kanë nevojë që të jenë në kontakt me të mëdhenjtë, në mënyrë që të rriten dhe të zhvillohen. E kush më mirë se prindërit mund ta luajë këtë rol?! Nëse prindërit nuk i kushtojnë vëmendje kësaj domosdoshmërie dhe nevoje në jetën e fëmijëve, kur ata janë në rrugën e rritjes dhe zhvillimit, atëherë ata nuk duhet të habiten kur të shikojnë se fëmijët e tyre nuk do t’u kushtojnë vëmendje kur të rriten dhe nuk do të ndjejnë asgjë ndaj tyre, kur prindërit të jenë të thyer në moshë. Ashtu siç kemi dëgjuar për mosrespektim të prindërve, ashtu ka edhe mosrespektim të fëmijëve.
Megjithatë, prindërit fitojnë një kënaqësi të madhe kur vendosin lidhje të sinqerta me fëmijët e tyre, kur të qeshurat e tyre mbushin vendin dhe kudo përhapet buzëqeshja dhe gëzimi, aq sa fjalët janë të paafta për ta përshkruar atë.
Përgatiti: Prinderimi.com
Autor: Abdulhamid Bilali, ”Si ta bësh fëmijën tënd yll”
