REAGIM
Vdekja tragjike e 4 vjeçares në Gjakovë ka tronditur opinionin e gjerë kudo. Pas raportimeve të mediave, theksohet se vajza 4 vjeçare është sulmuar fizikisht dhe më pas edhe ka pësuar edhe gjakderdhje apo infeksion të madh, ku si për pasojë ka gjetur vdekjen. Rasti tragjik është parë edhe si menaxhim jo i mirë, përcjellë me shkelje etike, sjellje jo profesionale dhe trajtim johuman nga ana e stafit mjekësor në spitalet ku po trajtohej.
Dhuna ndaj fëmijëve është një realitet shqetësues që përbën një sfidë të madhe për shoqërinë. Kjo dhunë shprehet në formë fizike, psikologjike apo emocionale si dhe në mosha të ndryshme, nga fëmijëria e hershme e deri pas moshës së adoleshencës. Në asnjë rrethanë nuk duhet toleruar që të ndodhë, sepse pasojat negative janë afatgjate dhe të vazhdueshme, shpeshherë edhe të pashërueshme. Dënojmë këto akte dhune, përfshirjen e fëmijëve në to dhe duam të theksojmë se këto dukuri negative janë të papranueshme. Detyra jonë si individë është të përballemi me këtë sfidë dhe t’ua sigurojmë fëmijëve tanë një mjedis të sigurt.
Dhuna mes fëmijëve është një problem i dyfishtë. Viktimat e prekura të dhunës kërkojnë mbrojtje nga dhuna e brendshme në familje dhe në shoqëri. Edukimi i mirëfillt për vlerat e respektit dhe bashkëjetesës, ngritja e vetëdijës dhe zërit për parandalimin e dhunës, trajtimin adekuat të fëmijëve dhe personave pa dallim dhe sidomos përkrahjen e rasteve më të ndjeshme të shoqërisë, sensibilizimin i masës për shkaktarët dhe ofrimin i zgjidhjeve afatgjata janë disa nga hapat themelorë për ndërprerjen e këtij problemi. Institucionet përgjegjëse duhet sa më parë të marrin timon drejtues, të kuptojnë përgjegjësitë e tyre, të jenë të efektshëm dhe të përmbushin rolin e tyre në sensibilizimin e opinionit publik, të kuptojmë faktorët socialë, ekonomik dhe problemet psikologjike të sjelljeve destruktive tek fëmijët dhe të rriturit, të jepen trajtime për traumat dhe zhvillimin emocional, marrjen e masave konkrete për të siguruar mbrojtje dhe mirëqënie për të prekurit.
Sistemi ynë i brishtë shëndetësor, mungesa e profesionalizmit dhe neglizhenca, në vazhdimësi mund të sjellë edhe raste të tjera, prandaj çdo shkelje etike e profesionale dhe çdo trajtim johuman, duhet denuar. Kërkojmë nga Prokuroria e Shtetit, Inspektoriati Shëndetsor, Odat e Profesionistëve Shëndetësor dhe çdo institucion tjetër përkatës, që rastet e dhunës t’i hetojnë detajisht dhe t’i përgjegjësit të hedhin para drejtësisë. Një shoqëri e drejtë dhe e zhvilluar i respekton të drejtat dhe integritetin e fëmijëve pa dallime, bën thirrje për ndryshime, përkahë familjen si insitucion thelbësor për shoqërinë, merr veprime konkrete për të siguruar një të ardhme më të ndritshme për brezat e ardhshëm dhe angazhohet drejt krijimit të një mjedisi të sigurt për brezat e ardhshëm.
Prishtinë, 21 Shkurt 2024
Rrjeti i Prindërve Edukues të Kosovës
