Pyetje të mrekullueshme
Sonte, teksa fle, po fryn një erë e magjishme, dhe shpëton nga frika që po ndien. Tanimë kjo nuk është një çështje për ty. Por, meqë kjo erë fryn teksa je në gjumë, ti nuk ke asnjë haber për këtë. Cila do ishte gjëja e parë që do të të bënte të kuptoje se kjo magji është realizuar?
Më pas? Tjetër?
Sikur të isha një mizë në murin e dhomës tuaj, cilën vepër tuajën duhet të shoh për të konstatuar se e keni mundur frikën?
Tjetër?
Çfarë ndryshimesh do të sjellë kjo në jetën tuaj? Tjetër?
Pyetje interaksioni
Kush do habitej më shumë nga ky ndryshim? Kush tjetër do ta vërente këtë?
Çfarë ndryshimesh paraqiten në sjelljet e prindërve të tu kur ti merr nën kontroll “frikën”?
Kur ata sillen në këtë mënyrë, çfarë ndryshimesh shfaqen te ti?
Kush është personi që merret më shumë me proble- min në fjalë?
Kush do ta konstatonte i pari këtë mrekulli?
Pyetje veçanësie
A mund të na tregoni për kohën kur nuk keni patur edhe aq frikë?
Cilët faktorë ju kanë ndihmuar të ngadhënjeni ndaj frikës?
A mund të na e jepni formulën e këtij suksesi, që t’ua përcjellim edhe fëmijëve të tjerë?
Si ia dole të flesh menjëherë dhe pa ndihmën e askujt?
Sa kohë ka që nuk përballesh më me probleme të tilla?
Pyetje rreth zbulimit të ndryshimit
Cili është ndryshimi nga ditët kur kishe probleme me gjumin?
Çfarë ka ndryshuar për miri, qoftë edhe pakëz?
Çfarë duhet të bësh për të ruajtur këtë gjendje?
Nëse flas me prindërit e tu, çfarë ndryshimesh për mirë do tregonin?
Pyetje rreth suksesit
Si ia dole që të mos e humbasësh shpresën?
Pas gjithë kësaj frike që ke përjetuar, si ia dole të qëndrosh në këmbë?
Çka të ka ndihmuar më shumë që të jesh i guximshëm?
Pyetje rreth imagjinimit
Kush mund të jetë trimi/heroi që mund të përballet më mirë me frikën? Çfarë do të kishe për të ngadhë- njyer si ai përballë frikës?
Imagjino sikur ke shkuar te një njeri i urtë apo te një
dijetar, çfarë do të të kishte sugjeruar?
Imagjino sikur je në moshën 20-vjeçare dhe ke vajtur tek ai, çfarë do të sugjeronte?
Imagjino sikur të janë fuqizuar karakteristikat më të pëlqyera dhe trimëria, çfarë do të kishte ndryshuar në jetën tënde?
Le të hipim në makinën e kohës dhe të shkojmë drejt të ardhmes. Je në moshën 25 vjeç/e dhe gjithçka po shkon ashtu siç dëshiron. Çfarë po ndodh? Ç’zotë- ron? Ç’vend pune apo biznes ke? Si dukesh?
Pyetje rreth së ardhmes
Le ta zëmë se të dhashë një topth magjik. Ju udhëzo- va se çdonjë nga ju duhet ta shohë. Më thoni se çfarë ka ndryshuar pas një jave?
Frika dhe fobia është shmangur tërësisht, duhet të zgjedhim një film, cilin do kishit zgjedhur?
Pyetje komplimentuese
Të lumtë! Si ia dole?
Si do ta kremtosh fitoren mbi frikën?
Kë do ftosh në banketin e fitores?
Çfarë do thuash në fjalim me rastin e fitores së madhe?
Po më habit qëndrueshmëria jote! Mund të ma tregosh sekretin?
Pyetje mbi përjashtësimin (eksternalizimi)
A mund të na thuash diçka lidhur me frikën për të cilën qahesh vazhdimisht? Sa kohë ka që të ka mbër- thyer? Ç’është ajo? Kujt i ngjan? Ç’aromë, ç’ngjyrë, Ç’përbërje, çfarë zëri ka ajo?
Më duket sikur të ka vënë goxha në siklet! Çfarë mund të bësh që ta ekuilibrosh? Çfarë hapash duhet të ndërmarrësh?
Çfarë mund të provosh që këtë javë ta minimizosh?
A mund ta frysh/nxjerrësh frikën në këtë qeskë dhe ta lësh mbi tavolinën time?
A mund ta vizatosh atë në një letër dhe ta hedhësh në koshin e mbeturinave?
A mund të provojmë ta vizatojmë në mënyrë komike?
Teknika gjashtëpjesëshe e rrëfimit
Këtë letër ndaje në gjashtë pjesë të barabarta. Zgjidh një hero.
Le të përballet me një pengesë heroi yt.
Le ta ndihmojë dikush apo ndonjë gjë për ta kapër- cyer këtë barrierë?
Le ta kalojë heroi yt këtë pengesë.
Përcakto një epilog.
Teknika e fuqishme e dorës
Kjo teknikë, i trimëron fëmijët që të flasin për shkathtë- sitë dhe aspektet e tyre të fuqishme. Së pari merret një letër e madhe, më pas vendosen gishtërinjtë dhe dora mbi të, dhe kështu vizatohet dora.
Fëmija vendos vetë se më cilën dorë do fillojë. Për çdo gisht të vizatuar i shtrohen pyetje lidhur me një temë që ai e njeh mirë.
Merret gishti i zgjedhur dhe i shtypet butë, duke e pyetur se ku shkëlqen më shumë.
Fëmija e emërton aktivitetin, për shembull, futboll, piktura etj.
Pyetet se me cilën ngjyrë e identifikon aktivitetin, dhe ai e ngjyros gishtin me atë ngjyrë.
Në varësi të moshës, fëmija mund të shkruajë emrin e aktivitetit ose të bëjë një vizatim në lidhje me të.
Kështu, më pas i thuhet që të ndjekë të njëjtën proce- durën për secilin nga dhjetë gishtërinjtë.
Në fund, mbi letër shfaqen dhjetë gishtërinj me ngjyra dhe fuqi të ndryshme. Që aktiviteti të mbyllet me një notë pozitive, fëmijës i kërkohet që të bash- kojë duart.
I thuhet se duart mund t’i bashkojë kur të dojë, që të ndihet i fuqishëm.
Vendi i sigurt
Nga fëmija kërkohet që të bëjë një vizatim ku ai ndihet më i sigurt, më i qetë dhe më i lumtur.
Udhëzohet që ta vendosë veten brenda këtij vizatimi.
Më pas vizatimi varet në dhomë.
Përgatiti: Prinderimi.com
Autor: Ramazan Shimshek, ”Fëmijët e tabletit” (Metoda psikologjike të kohës për fëmijët e kohës)
