Prindërit duhet të kenë parasysh se nëse fëmija i tyre i parë është i aftë në studimet e tij të saj, kjo nuk garanton që fëmijët e tjerë do të jenë të njëjtë. Kjo na bën të kujtojmë dallimet personale në mes të vëllezërve dhe motrave.
Gjithashtu, nëse prindërit i caktojnë një ideal shumë të lartë të birit ose të bijës së tyre, ai/ajo mund të ndihet i frustruar, sepse nuk mundet të arrijë nivelin që i kanë caktuar prindërit.
Fëmijët tuaj duhet të kenë qëllim të prerë vazhdimin e studimeve deri në marrjen e diplomës universitare. Mund t’ua përsëritësh shumë herë se nuk do të lejosh që ndonjëri prej tyre të mos i mbarojë studimet.
Le të jenë prioritet i parë të arriturat e mëdha të fëmijëve. Kjo do të kërkojë që të kurseni para me qëllim që t’i regjistroni ata në shkolla dhe universitete të suksesshme. E di se arsimimi i mirë është i shtrenjtë në kohën tonë, mirëpo arsimimi i dobët është vërte shumë i kushtueshëm në kohë afatgjate.
Sigurohu që i biri/e bija juaj nuk ka ndonjë problem me t dëgjuarit ose me të pamurit, ose ndonjë problem tjetër shëndetësor Është fakt i njohur që të dëgjuarit ose të pamurit e dobët shpes është shkak i performancës së dobët në shkollë.
Le të shpërblehen të arriturat e sukseseve akademike, inkurajohen dhe t’u jepen komplimente. – Le të jetë atmosfera në shtëpi ndihmuese e punës akademike, sa më tepër që është e mundur. Nëse fëmijët kanë dhomën e tyre, kjo do t’u ndihmoj.
-Le t’i shmangemi ngatërrimit të fëmijëve me shumë punë rreth shtëpisë, sepse kjo mund t’i shpërqendrojë nga puna e shkollës.
Bëje shprehi t’u tregosh fëmijëve për figurat e mëdha të Umetit tonë dhe për figurat e mëdha të popujve të tjerë. Nëse mund t’i drejtosh në një fushë ose degë të caktuar të diturisë, bëje atë sepse kjo është më jetike.
– Lute Allahun për fëmijët në të gjitha rastet, asnjëherë mos heq dorë nga lutja e as mos e humb durimin dhe shpresën.
Është ide e mirë që i biri/e bija juaj të mësojë me një grup të vogël, prej 3 ose 4 personash, me kusht që ata të jenë fëmijë të mirë dhe seriozë; mësimi me shokë është argëtim dhe mund të jetë shumë i frytshëm. Të jesh mikpritës kur të vijë ai grup dhe përgatit një vend të përshtatshëm për ta.
Shumë adoleshentë mendojnë se gjumi i hershëm tregon për papjekuri, ose mungesë të burrërisë. Ata shpesh tallen me shokët e klasës të cilët flenë herët. Ata mund të mos pëlqejnë të flenë herët për shkak se kur kanë qenë më të vegjël janë detyruar të flenë herët. Mirëpo, pyetja shtrohet se sa orë gjumë kanë nevojë të flenë adoleshentët? Në fakt adoleshentët kanë nevojë të flenë më gjatë se të tjerët. Në të vërtetë, studiuesit kanë ardhur në përfundim se adoleshentët kanë nevojë për dhjetë orë gjumë në ditë, ndonëse shumica e adoleshentëve sot nuk flenë më shumë se gjashtë ose shtatë orë. Ata qëndrojnë deri vonë natën dhe kjo bën që të flenë më pak. Të nesërmen kur shkojnë në shkollë, nuk do të jenë të përgatitur të koncentrohen në orët e mësimit, kjo është e natyrshme sepse truri nuk ka marrë pushimin e mjaftueshëm. Është konfirmuar gjithashtu se mungesa e gjumit rezulton me humbje të disponimit dhe ndoshta mund të shpie në depresion. Andaj le të jemi të vendosur në caktimin e kohës së gjumit për të gjithë anëtarët, kështu që të zgjohen për namazin e sabahut dhe të kenë një jetë të shëndetshme dhe të mirë.
Prinderimi.com
Prof. Dr. Abdul Kerim Bekkar, “Adoleshentët”
(Vështrime mbi adoleshentët, si t’i kuptojmë, si t’u qasemi dhe si të ndërveprojmë me ta)
