Sensibilizimi i vetes
Zhvillimi i shëndetshëm i sensibilizimit të vetes në fëmijëri është i rëndësishëm për të bërë që një person të jetë i aftë t’u bëjë ballë probleme me të cilat përballet. Sensibilizimi i vetes është vetëdija se ne e krijojmë vetë realitetin dhe zhvillohet bashkë me identitetin e suksesit. Kjo kërkon që të jemi të vetëdijshëm për aftësitë tona.
Gjatë seancave ne përballemi me njerëz të tillë, të cilët, megjithëse janë mjaft të suksesshëm, nuk arrijnë ta dallojnë këtë. Ata e perceptojnë veten si të dështuar. Meqenëse nuk e kanë të zhvilluar sensibilizimin për veten nuk mund t’i shikojnë sukseset e arritura.
Në fëmijërinë e tyre, këta persona nuk e kanë njohur sa duhet vlerësimin si dhe sukseseve të tyre nuk u është kushtuar rëndësi. Në shumicën e herëve ata bëhen kurbanë të vëllezërve me probleme. Sigurisht që këtu duket sikur vëllezërit problematikë e kanë gabimin, por në fakt gabimi qëndron në qëndrimin që kanë mbajtur prindërit ndaj këtyre fëmijëve. Meqenëse fëmija me probleme tërheq vëmendjen e prindërve, fëmija i suksesshëm neglizhohet e nuk e shikon interesimin që meriton. Sukseset e tij shihen si një gjë normale. Suksesi më i vogël i fëmijës me probleme ngrihet në qiell, ndërsa suksesi i fëmijës së suksesshëm nuk vihet re. Shpesh mundi i tyre shpërblehet vetëm me një kompliment ose përgëzim. Suksesi i tij shndërrohet në diçka normale.
Megjithëse fëmijëria e tij kalon me mllefin se i është bërë padrejtësi, me kalimin e kohës kjo situatë bëhet normale. Këta njerëz në të ardhmen bëhen të pandjeshëm ndaj sukseseve të vetes e të të tjerëve. Mes njeriut të pa suksesshëm me ndjenjë të ulët vlerësimi dhe atij të suksesshëm që nuk e vëren suksesin e tij e për rrjedhojë nuk arrin të përmbushet nga ky sukses, nuk ka ndryshim në aspektin e vetësensibilizimit. Që të dy tipat nuk kanë identitet suksesi.
Përgatiti: Prinderimi.com
Autor: Saim Koç & Nil Gün, ”Vetëvlerësimi”
