Vetëdija për intimitetin
Në fillim të shekullit XX nisi të aplikohej edukimi seksual, duke iu ofruar fëmijëve në mënyrë kolektive. Qëllimi ishte pengimi i shtatzënive të padëshiruara. Por, më pas u pa se këto njohuri gjenerojnë probleme të reja, dhe njëzet vjet më pas u hoq dorë prej këtij projekti.
Të dhënat shkencore flasin se në moshën tre-vjeçare plotësohet formimi i “vetëdijes për unin”.
Pas kësaj moshe prindërit duhet t’i shmangen shfaqjes zhveshur para fëmijëve gjatë heqjes dhe veshjes së rrobave.
Duhen marrë masa që fëmijën nuk e sheh kush gjatë veshjes dhe heqjes së rrobave, apo kur është duke kryer nevojën personale në tualet.
Pjesët intime të trupit nuk duhet të bëhen objekt shakaje, në asnjë mënyrë. Duhet hequr dorë nga praktikat tona që për pjesët intime të fëmijës të thuhen fjalë simpatike, të dashura etj.
Në çerdhe nuk duhen lejuar që të hyjnë në mënyrë kolektive.
Njerëzit e panjohur nuk duhen lejuar t’i prekin fë- mijët në shenjë dashurie. Madje edhe të afërmit du- het të marrin leje nëse duan t’i puthin fëmijët. Nëse fëmija refuzon, nuk duhet ngulmuar në asnjë mëny- rë për ta puthur.
Kurrë mos shprehni dashuri ndaj fëmijës duke e kafshuar, kjo ngaqë në nënvetëdijen e fëmijës ndje- nja e dhimbjes njësohet me atë të dashurisë.
Për fat të keq, thënia “ai që të rreh të do” është shpikur për të qetësuar ndërgjegjen e atyre që keqtrajtojnë fëmijët.
Në një emision televiziv, i titulluar “Kapaciteti je vetë!”, një anëtare e jurisë (H. A.), kinse për të shprehur dashurinë, iu drejtua një fëmije 5-6 vjeç me fjalët: “Të hëngsha byçën!” Asnjë nuk reagoi, as familja, as shoqëria. Në të vërtetë, këto fjalë i hapin dyert ngacmimit. Ai fëmijë që i percepton si dashuri këto fjalë mund t’i lejojë edhe të panjohurit që të kenë të njëjtën qasje ndaj tij. Ky është vetëm një rast që më kujtohet. Në programe dhe prodhime të caktuara mediatike, në veçanti nëpër reklama, shfaqen vazhdimisht sekuenca të shfrytëzimit apo të abuzimit me fëmijë. Fatkeqësisht, produksione të tilla kanë shikueshmëri të lartë.
Vetëdija e njohjes së kufijve të unit
Nëse sa më sipër mësohet si duhet nga fëmija, ai/ajo nis t’i njohë kufijtë e unit. Një nga subjektet më të rëndësishëm që duhet t’i përcillet është vetëdija për kufijtë e të tjerëve.
Mos ia ndërprisni fjalën. Gjithashtu, mësojeni se as ai/ajo nuk duhet t’ua ndërpresë fjalën të tjerëve; se duhet ta dëgjojë deri në fund fjalën e babait apo të nënës.
Tregojini se nuk do t’i lejoni ndërhyrjet fizike që nisin të shfaqen shpesh në këtë moshë. Nëse kryen një sulm fizik, privojeni nga diçka që e do shumë atë ditë. Për shembull, merrini tabletin, ose mos e lejoni që të shikojë filmin e preferuar vizatimor.
Rrëfeni se çfarë ndiejnë njerëzit kur u shkelen kufij- të. Çdo gjë në jetë mund të shndërrohet në mësim. Mund t’i tregoni me grimasa se si reagon macja kur shqetësohet nga një mace tjetër.
Përgatiti: Prinderimi.com
Autor: Ramazan Shimshek, ”Fëmijët e tabletit” (Metoda psikologjike të kohës për fëmijët e kohës)
