Mosha: 8+
Një aventurë e mrekullueshme, një fëmijë shembull dhe disa sulme përbindëshash.
Vlerësimi nga: Jennifer Borget, recensues pranë Common Sense Media
Klasifikimi i Common Sense Media: Film për fëmijë
Formati: Film | 2022 | 115 Minuta
Rreziqet: Brenda filmit mund të hasni në sulme nga përbindëshat e detit, disa me pamje të frikshme dhe duke shkaktuar shumë shkatërrime me dhëmbë të mprehtë, tentakula të gjata dhe pinca. Gjuetarët sulmojnë, plagosin, vrasin monstra me shtiza, topa dhe helm. Gjithashtu mund të ketë skena kaosi, grindje, lendime, armë, thirrje për vrasje dhe luftë me shpata.
Shumë apo pak?
Çfarë do të gjeni dhe çfarë nuk do të gjeni në këtë film.
Vlera arsimore
Shpesh ka më shumë gjëra/situata sesa ato që na bien në sy.
Mesazhe pozitive
Filmi nxitë optimizmin, trimërinë, integritetin, këmbënguljen, gjithpërfshirjen dhe punën në grup. Ai inkurajon njerëzit të sfidojnë besimet e vjetra që mund të jenë edhe të gabuara. Thënë ndryshe, vetëm pse diçka ka qenë gjithmonë aktuale, nuk do të thotë se nuk mund/duhet të ndryshojë.
Modele të roleve pozitive
Maisie është një fëmijë i guximshëm dhe i gatshëm të ngrihet për atë që është e drejtë dhe të sfidojë këdo që qëndron në rrugën e saj. Ajo ka integritet dhe ndihmon ata që e rrethojnë, të mësojnë të mendojnë ndryshe. Si personazhi kryesor më i ri në moshë, është një lidere e fortë. Jakobi përpiqet të bëjë atë që ai mendon se është e drejtë. Ai është mësuar me një mënyrë të caktuar për të bërë gjërat, por është edhe i gatshëm të mësojë dhe të dëgjojë ide të tjera/më të mira. Ai ndihmon të tjerët në nevojë dhe ka besnikëri të madhe. Kapiteni Crow është i vendosur dhe i guximshëm në rrugët e tij.
Përfaqësime të ndryshme
Maisie, personazhi kryesor, është një vajzë e re me ngjyrë. Ajo ka një zë të fuqishëm që e përdorë për të edukuar dhe frymëzuar të rriturit. Shoku i parë në anijen e gjuetisë së përbindëshave është gjithashtu një femër me ngjyrë. Ajo ka një agjenci të njohur dhe është e respektueshme. Ekuipazhi i anijes përfshin disa karaktere të ndryshme të të gjitha formave, madhësive dhe ngjyrave, disa kanë gjymtyrë protetikë (metal i ngjitur në mungesë të një pjesë trupore-gjymtyrë). Gratë poashtu shihen si lidere të barabarta me burrat.
Dhuna dhe frika
Gjuetarët sulmohen nga përbindësha të ndryshëm të detit, disa me pamje të frikshme dhe duke shkaktuar shumë shkatërrime me dhëmbë të mprehtë, tentakula të gjata dhe pincë. Përbindëshat përpiqen të gëlltisin dhe të dëmtojnë njerëzit. Gjuetarët sulmojnë, plagosin, vrasin monstra me shtiza, topa dhe helm. Në një skenë, nga kaosi dhe grindjet lëndohet rëndë një fëmijë. Shkurtimisht, tregohet edhe pak gjak, një luftë me shpata, një personazh që i drejton armën një fëmije dhe disa thirrje të afërta për vrasje. Prindërit e Maisie-t u vranë gjatë gjuetisë së përbindëshit, duke e lënë atë jetime.
Gjuha
Gjuha përfshin fjalë si: “ferri i përgjakshëm” dhe “gomari”. Dëgjohen pasthirrmat që përfshijnë fjalën: “Zot!” dhe një armë vdekjeprurëse që quhet “Dora e Zotit”.
Pirja, droga dhe duhani
Gjuetarët e përbindëshave shpërndajnë shishe me alkool në bordin e anijes. Personazhet këndojnë dhe kërcejnë në një tavernë dhe pinë gota të mbushura me birrë.
Prindërit shqiptarë duhet të dinë se The Sea Beast është një aventurë rrëqethëse për një jetime të re, që qëndron në një anije gjuetie përbindëshash deti dhe nisë një udhëtim që mund të ndryshojë historinë. Udhëtimi i saj përfshinë dhunë me veprime të animuara dhe imazhe potencialisht të frikshme të përbindëshave të mëdhenj të detit, që sulmojnë anijet dhe shkaktojnë dëme. Gjuetarët e përbindëshave sulmojnë dhe vrasin krijesat gjigante me një sërë armësh (shtiza, topa, etj.). Kaosi dhe zënkat çojnë në një lëndim të rëndë të një fëmije dhe shkurtimisht shfaqet pak gjak. Ka përleshje me shpata, thirrje të afërta me vrasje, një të rritur që i drejton armën një fëmije dhe një fëmijë që përdorë një thikë. Personazhet e rritur pinë, dhe gjuha përfshin fjalë si: “ferrin e përgjakshëm” dhe “gomarin”. Historia tregon fuqinë e të rinjve që mbështesin të tjerët dhe bëjnë një ndryshime të madha, si dhe punën në grup, integritetin dhe shikimin përtej sipërfaqes së një situate. Dhe, filmi ka një grup të larmishëm – kastë, duke përfshirë një personazh të ri, të fuqishme femër, e cila është e sjellshme, optimiste dhe e guximshme.
Cili është tregimi?
Në filmin THE SEA BEAST, përbindëshat e detit pothuajse janë zhdukur nga brigjet e mbretërisë së Tre Urave, falë ndihmës së gjahtarëve të guximshëm të përbindëshave. Por, ka një përbindësh që vazhdon t’u shmanget atyre: Red Bluster. Kapiteni Crow (me zërin e Jared Harris) i Inevitable, është konsumuar nga hakmarrja dhe dëshiron të vrasë bishën që i mori syrin. Ai lidh një marrëveshje me mbretin dhe mbretëreshën, të cilët kanë ndërtuar anijen e tyre dhe kërcënojnë të pushojnë gjuetarët nëse nuk janë në gjendje të sjellin Red Bluster pas një prove të fundit. Kur gjuetarët nisen përsëri në det, ata kuptojnë se kanë një autobus: një jetim të ri me emrin Maisie (Zaris-Angel Hator), prindërit e të cilit vdiqën në një anije gjuetie përbindëshash. Ajo gjithashtu dëshiron të jetë një gjahtare dhe të mësojë nga më të mirët në ‘’bordin e të pashmangshmes’’. Por gjatë rrugës, ajo fillon të zbulojë se ajo që mendonte se e dinte gjithmonë mund të mos jetë ashtu siç duket. Ajo miqësohet me Jacob (Karl Urban), kapitenin e ardhshëm të bordit të pashmangshëm, i cili është i guximshëm dhe ka këmbë të shpejta. Ndërsa historia emocionuese shpaloset, dyshja mësojnë se ndonjëherë ka më shumë gjëra për fitore.
A është i mirë?
Kushdo që i pëlqen një aventurë e mirë do të kënaqet me këtë përrallë të animuar bukur. The Sea Beast ka një histori të njohur për ndjekjen e përbindëshave dhe i jep një grusht të vërtetë, me mesazhe për heronjtë që nuk përmbushin gjithmonë pritjet, natyrën e ndërlikuar të luftës dhe paqes, subjektivitetin e historisë dhe tema të tjera në dukje të rënda. Të gjitha janë thurur pa problem, në një aventurë frymëzuese dhe shumë tërheqëse. Por, ka diçka të vogël për të gjithë: Dashamirët e anijeve do të vlerësojnë argëtimin në det (përfshirë skuadrat që varen nga anët e anijeve me litarë dhe topa), sepse ka edhe humor dhe një karakter të lezetshëm për ata që kanë nevojë për një ndjesi ndryshe ndaj kafshëve më të mëdha, ndonjëherë shumë të frikshme.
Është gjithashtu freskuese të shohësh një kastë të larmishëm përgjatë filmit, si në bordin e anijes ashtu edhe në qytet, dhe jo vetëm në sfond. Nëse i kushtoni vëmendje, do të vini re se anëtarët e ekuipazhit veshin veshje të ndryshme kulturore dhe ka shumë shkallë të toneve të lëkurës dhe strukturës së flokëve, të cilat ndodhin qartë falë animacionit të jashtëzakonshëm të filmit. Komploti ndonjëherë ndihet pak i zakonshëm, mjedisi i jep jetë dhe freski, së bashku me mesazhin për rreziqet e besimit verbërisht të historisë, të treguar nga ata që janë përgjegjës. I jep audiencës shumë për të menduar dhe shumë për të diskutuar pas mbarimit.
Flisni me fëmijët tuaj rreth…
- Familjet mund të flasin se si librat, filmat dhe mediat e tjera ndikojnë në historinë tonë. Si mendoni se historitë që ne konsumojmë sot mund të formojnë të ardhmen?
- Maisie dhe Jacob thonë se ju mund të jeni një hero por edhe gabimtar. Çfarë mendoni se do të thotë kjo? Si mund të kenë gabuar disa heronj në historinë tonë?
- Cilët personazhe të filmit i konsideroni shembull? Pse? Si krahasohen personazhet femra në filmin The Sea Beast me vajzat dhe gratë në filmat e tjerë për fëmijë?
- Si demonstrojnë personazhet në The Sea Beast integritet dhe këmbëngulje? Po guximi dhe puna ekipore? Pse janë këto pika të forta të karakterit?
- Çfarë ngjashmërish shihni midis gjuetarëve në The Sea Beast dhe gjuetarëve të balenave të botës reale? Çfarë mendoni se filmi mund të thotë për ruajtjen e kafshëve?
Detajet e filmit
Në DVD ose transmetim: 8 Korrik 2022;
Luajnë: Karl Urban, Zaris-Angel Hator, Jared Harris, Marianne Jean-Baptiste, Dan Stevens;
Regjisori: Chris Williams;
Informacione për përfshirjen: Aktoret femra, aktorët e zinj, shkrimtaret femra;
Studio: Netflix;
Zhanri: Për familje dhe fëmijë;
Temat: Aventurat , miqësia, modelet e vajzave të shkëlqyera, përbindëshat, fantazmat, vampirët dhe krijesat e oqeanit;
Pikat e forta të karakterit: Guximi, integriteti, këmbëngulja dhe puna ekipore;
Kohëzgjatja: 115 minuta;
Vlerësimi MPAA: PG;
Shpjegimi i MPAA: Aksion, dhunë dhe gjuhë të theksuar;
Çmimi: Common Sense Selection;
Përditësimi i fundit: 17 Shkurt 2023;
Solli në shqip: Prinderimi.com
