Mosha 6+
Vështrime optimiste, intensive dhe të trefishta përreth identitetit dhe lidhjeve familjare.
Vlerësimi nga: Claudia Puig, recensuese pranë Common Sense Media
Klasifikimi i Common Sense Media: Film për fëmijë
Formati: Film | 2016 | 95 Minuta
Rreziqet: Filmi karakterizohet me aksione intensive të arteve marciale dhe me një humor të butë. Ka skena të ‘’përbindëshave të mbinatyrshëm’’ dhe posedon përdorim të lehtë të gjuhës.
Shumë apo pak?
Çfarë do të gjeni dhe çfarë nuk do të gjeni në këtë film.
Vlera arsimore
Filmi është i krijuar për të argëtuar dhe jo për të edukuar. Brenda tij ka mësime të mira, për tu afruar me atë që ju bën të veçantë apo për të gjetur mënyra aktive për të përdorur talentin tuaj për të mirën e përgjithshme.
Mesazhe pozitive
Integriteti, këmbëngulja dhe puna në grup janë tema të rëndësishme të trajtuara në film. Mesazh i fortë për identitetin është gjetja e vetvetës, se në çfarë jeni më të mirët dhe atë që doni më së shumti. Në një rastë, Shifu i drejtohet Po-së: “Nëse bën vetëm atë që mundesh, nuk do të jesh kurrë (në jetë) diçka më shumë se sa që je tani”. Pra, duhet të jesh vetja dhe të përqafosh atë që je, jo atë që është dikush tjetër. Gjithashtu, në film, familja është më shumë se sa një lidhje biologjike, kjo shfaqet kur pranohet që Po-ja ka dy baballarë. Ndërsa, dhuna mbetet mjeti kryesor i zgjidhjes së konfliktit përgjatë filmit, me pandat që luftojnë djalin e keq me një përpjekje të koordinuar që përfshin lobimin drejt ushqimit (dhe vetvetes!) më shumë sesa lobimin drejt armëve.
Modele të roleve positive
Po, si personazh, jep gjithmonë entuziazëm dhe pozitivitet. Ai merr përgjegjësitë e tij shumë seriozisht, punon shumë drejt tyre dhe në fund përqafon atë që do të thotë të jesh mik dhe mësues i mirë. Ai dhe babai i tij biologjik ndërtojnë një marrëdhënie të fortë (por edhe lozonjare), ndërsa babai i adoptuar i Po-së përfshihet në jetën e tij duke mos u përjashtuar apo lënë mënjanë. Tigresha mbetet një personazh i fortë femëror dhe ana e saj më e butë shfaqet më shumë në këtë pjesë. I vetmi personazh i çuditshëm (përveç zuzarit, natyrisht), është Mei Mei, e cila i bën kthesa romantike ndaj Po-së në një mënyrë interesante duke e treguar atë dashuri si një dritë marrëzie, si çmenduri pas dashurisë dhe fundja, pa asnjë tipar tjetër të personalitetit. Disa nga pandat e tjera shfaqen të vetmuara, por menyra sesi shfaqen është e lehtë (pa vrazhdësi).
Dhuna dhe frika
Shumë luftime përfshirë artet marciale, si në formë grupore ashtu edhe individualisht (një me një). Villain Kai, një përbindësh dem i mbinatyrshëm e i zemëruar, është intensive në aksionet e tij dhe është goxha i frikshëm, ashtu si edhe luftëtarët e tij ‘jade’. Ka skena të një rikthimi të trishtueshëm për ndarjen e Po-së nga nëna e tij, kur ai ishte vocrrak. Personazhet kryesore kapen ndonjëherë në rrezik. Po bën edhe sakrifica të mëdha, që shpeshherë këto skena mund t’i shqetësojë fëmijët. Tutje ka edhe luftë (kreative) përmes përdorimit ë ushqimit kinez dhe petullave, çupave dhe sulmeve. Vlenë të përmendet se në fshatin e pandave, zhvillohet edhe një udhëtim i rrezikshëm.
Seks, romancë dhe lakuriqësi
Mei-Mei është shumë flirtues me Po-në dhe të tjerët, edhe pse asgjë nuk realizohet.
Gjuha
Përdorimi i rrallë i fjalëve të dobëta, duke përfshirë këtu fjalë si: “budalla”, “prapa***”, “humbës”, “idiot” dhe “mbylle atë”. Përgjatë filmit shfaqet edhe një pjesë humori në banjo.
Produkte dhe blerje
Nuk ka vendosje produkti brenda filmit, por ekzistojnë shumë lidhje mallrash jashtë-linje, duke përfshirë këtu: lodra, lojëra, libra dhe më shumë.
Prindërit shqiptarë duhet të dinë se Kung Fu Panda 3 është filmi i tretë në serinë e famshme përrreth heroit të arteve marciale të quajtur Po (me zërin e aktorit Jack Black) dhe pjesmarrës miqtë e tij, ‘Furious Five’. Këtë herë ata përballen me Kai, një dem si përbindësh i frikshëm e i mbinatyrshëm që kërcënon të gjithë Kinën. Po dhe të tjerët duhet ta shmangin atë, por në një seri betejash intensive që mund të trembin edhe fëmijët. Disa edhe mund të mërziten nga skenat e ndarjes prind-fëmijë, konfliktit mes personazheve dhe momentet kur duket sikur personazhet kyç janë kapur, janë në rrezik ose ndoshta kur zhduken përgjithmonë. Përgjatë filmit mund të hasni në pak fyerje (si fjalët: “budalla”, “humbës” etj.) dhe në një humor të çuditshëm, por përveç dhunës, nuk ka shumë për t’u shqetësuar në këtë histori zbavitëse për lidhjet familjare (Po që takon babain biologjik të humbur prej kohësh) dhe aq më pak të shqetësoheni për përcaktimin e identitetit tuaj. Familjet e përziera mund të pëlqejnë veçanërisht mënyrën se si trajtohet situata me dy baballarë të Po-së.
Cili është tregimi?
Në KUNG FU PANDA 3, Po (me zërin Jack Black), tani i dashur dhe i njohur nga të gjithë si Luftëtari i Dragoit, takon babanë e tij të humbur prej kohësh, Li (Bryan Cranston) dhe një komunitet pandash, edhe pse mendon se ishte i vetmi i llojit të tij. Së bashku, ata dhe Furious Five duhet të përballen me një kërcënim të mbinatyrshëm në formën e Kai (J.K. Simmons), një krijesë e ngjashme me demin që e quan veten “mjeshtër i dhimbjes, bisha e hakmarrjes” dhe është i vendosur ta grabisë Kinën dhe gjithçka brenda saj. Mënyra e vetme për të ndaluar Kain dhe legjionin e tij të luftëtarëve është që Po të bëhet vetë mjeshtër i ‘’Chi-së’’, por së pari ai duhet ta rigjejë vetvetën.
A është i mirë?
Animacioni i filmit është i mrekullueshëm dhe ka ngjyrim të gjallë. Fshati i pandave duket si një version kinez i fshatit Hobbit, i kryqëzuar me Shangri La. Humori këtu është i lehtë dhe i këndshëm. Personazhet në Kung Fu Panda 3 janë mjaft të pëlqyeshëm në këtë përrallë tërheqëse dhe miqësore për familjen. Personazhit kryesor i duhet të ‘rimësojë’ se çfarë do të thotë të jesh një panda (të flesh, të hash shumë, të qetësohesh) dhe gjithashtu të mësojë fshatin e Pandave Kung Fu (vend i qetë, pandat janë të ngathët dhe të dashuruar në paqe). Për ta arritur këtë, ai krijon “skuadrone” me petë, që është një koncept i lezetshëm për film. Ideja që përcillet këtu është se ka gjithmonë në jetë diçka më shumë për të mësuar (për të mos përmendur vlerën e përqafimit të asaj që ju bën të jeni vetvetja). Ky është padyshim një mesazh i denjë.
Flisni me fëmijët tuaj rreth…
- Familjet mund të flasin për atë që do të thotë “të gjesh veten tënde të vërtetë”. Pse është e rëndësishme të gjeni identitetin dhe talentin tuaj, në vend që të përpiqeni të jeni si të tjerët? Çfarë do të thotë fjalia që Shifu ia thotë Po-së: “Nëse bën vetëm atë që mundesh, nuk do të jesh kurrë (në jetë) diçka më shumë se sa që je tani”?
- Çfarë e bën një familje të jetë e tillë? Si e trajton filmi ‘Kung Fu Panda 3’ idenë e familjeve me antarë biologjik dhe të adoptuar? A ka një mënyrë të drejtë për të përzier familjet?
- Çfarë roli luan dhuna përgjatë historisë? A kishin personazhet ndonjë opsion tjetër? Cili është ndikimi i dhunës në media tek fëmijët?
- A është Kai thjesht i keq, apo ka ndonjë pjesë të tij që është simpatike/e mirë? A është e rëndësishme të jesh të kuptosh keqbërësit në njëfarë forme?
- Si kanë ndryshuar personazhet kryesore gjatë rrjedhës së tre filmave? Si kanë qëndruar të njëjtë? Si e demonstrojnë integritetin, këmbënguljen dhe punën ekipore? Çfarë e bën Po-në kaq tërheqës?
Detajet e filmit
Në kinema: 29 Janar 2016;
Në DVD ose transmetim: 21 Qershor 2022;
Luajnë: Jack Black, Angelina Jolie, Dustin Hoffman, Bryan Cranston;
Regjisorët: Jennifer Yuh Nelson, Alessandro Carloni;
Informacione për përfshirjen: Regjisore femra, regjisore aziatike dhe aktore femra;
Studio: Twentieth Century Fox Film Corporation;
Zhanri: Për familje dhe fëmijë;
Temat: Sportet dhe artet marciale, modele të shkëlqyera për djemtë dhe kafshë të egra;
Pikat e forta të karakterit: Integriteti, këmbëngulja dhe puna ekipore;
Koha e ekzekutimit: 95 Minuta;
Vlerësimi MPAA: PG
Shpjegimi MPAA: Aksion i arteve marciale dhe një humor i butë;
Përditësimi i fundit: 7 Gusht 2023;
Solli në shqip: Prinderimi.com
