Mosha 10+
Gruaja e kabinetit të Shtëpisë së Bardhë kërkon të vërtetën.
Vlerësimi nga: Sabrina McFarland, recensuese pranë Common Sense Media
Klasifikimi i Common Sense Media: Film për fëmijë
Formati: Dokumentar | 2022 | 40 Minuta
Rreziqet: Dokumentari përmbanë gjuhë të lehtë, referenca dhe imazhe që përfshijnë frikën për sigurinë personale. Gjithashtu mund të shihni skena me mavijosje trupore, pirje duhani, armë, burgosje, plaçkitje, pretendime për sëmundje mendore, vjedhje dhe luftë.
Shumë apo pak?
Çfarë do të gjeni dhe çfarë nuk do të gjeni në këtë dokumentar.
Mesazhe pozitive
Kërkoni të vërtetën, bëni gjënë e duhur dhe mos kini frikë të flisni! – janë vetëm disa nga mesazhet që jepen në dokumentar.
Modele të roleve pozitive
Modelet e roleve përfshijnë aktorë si Martha Mitchell, një aktiviste në politikë dhe gruaja e Prokurorit të Përgjithshëm të SHBA, John Mitchell, pastaj Carl Bernstein dhe Bob Woodward që janë gazetarë të Washington Post-it, që njihen pasi raportojnë për vjedhjen e Watergate-it. Gazetarët Connie Chung, Sally Quinn dhe Helen Thomas, në anën tjetër, mbulojnë skenën politike të Uashington D.C-së. Komiteti i Senatit Watergate heton akuzat për mbulimin e vjedhjeve nga Shtëpia e Bardhë. Psikologu Brendan Maher shpik termin “Efekti Martha Mitchell”, në të cilin besimet e një personi fillimisht etiketohen si të çmendura, por më vonë rezultojnë se janë të vërteta.
Përfaqësime të ndryshme
Kryesisht brenda dokumentarit shihni imazhet e personave të bardhë, një përfaqësim minimal i BIPOC-it (Njerëzit e zi, me ngjyrë dhe indigjenë) duke përfshirë gazetarët, mbështetësit politikë dhe zyrtarët e Shtëpisë së Bardhë, por dhe grate që janë portretizuar të nënshtruara.
Dhuna dhe frika
Referencat dhe imazhet përfshijnë frikën për sigurinë personale. Akuzat u ngritën se urrejtja ishte tema kyqe e presidencës së Presidentit të SHBA Richard M. Nixon. Një qetësues injektohet në trupin e një personi pa pëlqimin e tij, e ai ka pretendime për sëmundje mendore, ka mavijosje trupore dhe armë, si dhe prirje për luftë. Përgjatë dokumentarit shihet një person i mbajtur si i burgosur politik, tutje ka burgosje të tjera, protestues që tërhiqen zvarrë nëpër rrugë nga oficerët e policisë, forcat e rendit që arrestojnë burra për plaçkitje, vjedhje dhe instalim të pajisjeve përgjuese në selinë e Komitetit Kombëtar Demokratik. Hajduti dhe anëtari i fushatës politike të Nixon-it, punësohet edhe si truprojë i familjes Mitchell, që për detyrë ka edhe marrjen e fëmijës së tij nga shkolla.
Seks, romancë dhe lakuriqësi
Diskutimet dhe imazhet përfshijnë një protestues mashkull nudo nga mesi lart, miqësinë, martesën dhe largimin e John-it dhe Martha-s, dhe raportet e Presidentit Richard M. Nixon për rëndësinë e kandidatëve politikë në zgjedhjen e një gruaje/partneri.
Gjuha
Fjalët e përdorura përfshijnë edhe fjalë si: “gomar”, “dreq” dhe “ferr”, “budalla” dhe “i çmendur”.
Produkte dhe blerje
Imazhet përfshijnë stil jetese luksoze në SHBA, kamera televizive, veshje, fjalë dhe mesazhe.
Pirja, droga dhe duhani
Imazhet dhe referencat përfshijnë alkol, kokteje, pirjen e duhanit përmes tubave dhe qetësues me injeksione.
Prindërit shqiptarë duhet të dinë se Efekti Martha Mitchell është një dokumentar i shkurtër për gruan e Prokurorit të Përgjithshëm të Shtëpisë së Bardhë, John Mitchell, i cili beson se Presidenti i SHBA-së Richard M. Nixon qëndron pas skandalit të vjedhjes në Watergate. Referencat dhe imazhet përfshijnë frikën për sigurinë personale, alkolin, pirjen e duhanit, protestuesin, injeksionin qetësues në trupin e një personi pa pëlqimin e tij, pretendimet për sëmundje mendore, mavijosje trupore, armë, luftë, burgosje, protestues të tërhequr zvarrë nga oficerët e policisë, burra të arrestuar për plaçkitje dhe vjedhje, si dhe një hajdut i dyshuar i Watergate dhe anëtar i fushatës së Nixon-it të punësuar si truprojë e shtëpisë së Mitchell. Përfshihen edhe fjalë si: “gomar”, “dreq”, “ferr”, “budalla” dhe “i çmendur”. Mesazhet pozitive përfshijnë shprehje si: ‘’Mos kini frikë të flisni, kërkoni të vërtetën dhe bëni gjënë e duhur!’’
Cili është tregimi?
Në EFEKTIN MARTHA MITCHELL, aktivistja e njohur politike, nëna dhe bashkëshortja e një zyrtari të Shtëpisë së Bardhë mban një qëndrim të njejtë me Degën Ekzekutive të SHBA-së. Martha Mitchell fajëson ekipin për depërtimin e Watergate në Komitetit Kombëtar Demokratik në vitin 1973. Ajo gjithashtu pretendon se akuzat për vjedhjen e kanë vënë në rrezik jetën e saj dhe ia kanë shkatërruar martesën. Marta mbetet e palëkundur për të treguar se cila është e vërteta!
A është i mirë?
Duke i bërë thirrje të gjithë adhuruesve të historisë që të shikojnë këtë dokumentar emocionues për jetën e një gruaje në të kaluarën. “Një grua në politikë nuk është si një person normal që mund të bëjë dhe të thotë çfarë të dojë,” thotë Martha Mitchell në dokumentarin The Martha Mitchell Effect. “Por, unë them atë që dua.”- vazhdoi ajo. Të folurit e veçon Martha Mitchell-in nga skena e zakonshme sociale e Uashingtonit, siç shihet përmes thjerrëzave të intervistave origjinale dhe pamjeve arkivore dhe fotografive. Komuniteti “drejtohej nga burra të bardhë në Shtëpinë e Bardhë”, kujton gazetarja Connie Chung, “dhe burra në çdo nivel të kabinetit.”-vazhdoi ajo.
Anëtari i ekipit të kabinetit Dwight Chapin, Ndihmës i Presidentit të SHBA-ve Richard M. Nixon, vëren se: “Nëse Marta po vinte për darkë në Shtëpinë e Bardhë, njerëzit ishin në gatishmëri. Gratë ishin më të rezervuara atëherë, por jo Marta. Nuk ishte se [Nixon] nuk i pëlqente gratë, por ai nuk i pëlqente gratë me zë të lartë.” Trashëgimia e thirrjeve të Martha Mitchell-it mund të rezultojë të jetë një mjet edukativ për fëmijët dhe adoleshentët, për të mësuar rreth mbijetesës me shanse të pakta.
Flisni me fëmijët tuaj rreth…
- Familjet mund të flasin për guximin e Martha Mitchell në dokumentarin The Martha Mitchell Effect. Si e tregon ajo komunikimin dhe këmbënguljen? Pse janë këto pika të forta të karakterit?
- Pse është e rëndësishme që Martha Mitchell të ndajë me publikun atë që di për vjedhjen e Watergate? A ishte i drejtë rezultati i krimit? Pse po ose pse jo?
- Sa efektive është puna ekipore midis Martha Mitchell dhe shtypit për të treguar historinë e Watergate? Si do të luhej ky kapitull historik në politikë në peizazhin e sotëm të mediave sociale?
Detajet e dokumentarit
Në DVD ose transmetim: 17 Qershor 2022;
Luajnë: Martha Mitchell, John Mitchell, Richard Nixon;
Regjisorët: Anne Alvergue, Debra McClutchy;
Studio: Netflix;
Zhanri: Dokumentar;
Temat: Aktivizëm, miqësi, modele të vajzave të mëdha, histori;
Pikat e forta të karakterit: Komunikim, guxim, këmbëngulje dhe punë ekipore;
Koha e ekzekutimit: 40 minuta;
Vlerësimi MPAA: PG;
Shpjegimi i MPAA: Disa elemente tematike, gjuhë dhe duhan;
Përditësimi i fundit: 17 Shkurt 2023;
Solli në shqip: Prinderimi.com
