Kur në fund të shtatzënisë përftojmë një foshnjë të gjallë, duhet të ndihemi mirënjohës, sado traumatike të ketë qenë ajo përvojë. Por besoj se përveç të qenët mirënjohëse, është e rëndësishme që ta tregojmë këtë përvojë, madje rrëfejeni aq shpesh sa ta ndieni të nevojshme, në mënyrë që të rifitoni ndjenjën e ekuilibrit. Ndoshta kjo është një ndër arsyet që kur jeni shtatzënë, do të dëgjoni më shumë histori të frikshme lindjeje sesa histori të lindjeve të lehta (sepse njerëzit kanë më shumë nevojë të tregojnë këto lloj përvo- jash lindjeje).
Të bëhesh prind për herë të parë, në vetvete mund të rezultojë një përvojë rraskapitëse, pavarësisht përvojës që keni kaluar gjatë procesit të lindjes. Edhe nëse ka qenë një përvojë e bukur dhe e mrekullueshme, do të përjetohet gjithashtu si një çast shumë i rëndësishëm, për të cilin do të keni nevojë ta rrëfeni.
Disa nënave, përvoja e lindjes i bën të ndihen fajtore dhe të rën dohen moralisht. Por mbani mend: asgjë nuk mund të jetë e për- sosur. Gjithçka në jetë ka të bëjë me rikthimin në drejtimin e duhur sa herë që rruga merr një kthesë të padëshirueshme. Nuk duhet t’i kushtohet rëndësi asaj që shkon keq, por mënyrës se si duhet t’i rregullojmë sërish gjërat. Kështu që do të riktheheni në rrugën e duhur sapo të mësoni të njihni foshnjën tuaj dhe të krijoni lidhje me të.
Nuk e di nëse ndarja që pata me vajzën time pas lindjes e shtoi shqetësimin tim si një nënë e re, apo nëse e bëri foshnjën time më grindavece ato muajt e parë. Ndoshta do të kishte qenë e njëjta gjë edhe nëse nuk do të kishte ndodhur shqetësimi për atë ndarje pas lindjes. Por ajo që di me siguri ishte se në ata muajt e parë, ndonjëherë ishte shumë e vështirë të arrija ta qetësoja vajzën time dhe për shkak të kësaj, më mbërthente edhe mua ankthi. Më dukej sikur ajo kishte lindur e dëshpëruar. Gradualisht mësova se si ta qetësoja atë dhe me kalimin e kohës ky proces filloi të më dukej disi më i lehtë. Pra, nëse lindja ka qenë traumatike për të (dhe për mua ishte), ajo “këputje” u riparua për të dyja ne.
Përgatiti: Prinderimi.com
Autor: Philippa Perry, “Libri që do të dëshironit të lexonin prindërit tuaj”
