Ministrja e Arsimit, Arbërie Nagavci ka bërë të ditur se sot, më 2 shtator, ditë e hënë fillon viti i ri shkollor 2024/2025.
Ajo përmes një postimi në Facebook ka shkruar se Ministria e Arsimit, Shkencës, Teknologjisë dhe Inovacionit në koordinim me komunat i ka bërë përgatitjet e duhura për fillimin e vitit të ri shkollor.
Nagavci ka njoftuar se kanë aplikuar gjithsej 203.407 prindër ose kujdestarë ligjor për subvencionimin e teksteve dhe materialeve shkollore, ndërkaq, janë subvencionuar gjithsej 201,120 aplikues.
“Procesi i transferimit të mjeteve është duke vazhduar, po ashtu platforma për aplikim po qëdron e hapur”, ka deklaruar ajo.
Pra edhe nga postimi i ministres lë të kuptohet se të gjithë fëmijët nuk janë pajisur me libra, pasi ka prindër që ende nuk janë subvencionuar,
Me rastin e fillimit të vitit të ri shkollor 2024/2025, ministrja e Arsimit, Arbërie Nagavci do të vizitojë sot dy shkolla në Prishtinë.
Në njoftim thuhet se Nagavci nga ora 10:00 do të vizitoj shkollën “Iliria”, ndërsa nga ora 11:00 shkollën “Elena Gjika”.
Ndërsa vlen të ceket se me vendim të komunës së Prishtinës, mësimi gjithëditor do të zhvillohet për herë të parë për nxënësit e klasave nga e para deri në të pestën.
Shkollat ku do të nisë ky projekt, janë: “Faik Konica”, “Xhemail Mustafa”, “Shkolla e Gjelbër”, “Nazim Gafurri” dhe “Qamil Batalli”. /Prinderimi.com/
