Sipas një sondazhi të ri, perceptimet negative të esports tashmë janë një gjë e së kaluarës..
- Sondazhi i ri zbulon se shumë prindër po mbështesin interesat e lojërave të fëmijëve të tyre.
- Hulumtimet tregojnë se lojërat kanë përfitime të tilla si zgjidhja më e mirë e problemeve, vendimmarrja dhe aftësitë e të menduarit strategjik dhe videolojërat mund të jenë një rrugë e mundshme e karrierës interesante në të ardhmen.
- Megjithatë, ekuilibri është thelbësor, pasi koha e tepërt para ekranit mund të jetë ende e dëmshme.
Tradicionalisht, shumë prindër nuk kanë pasur lidhjen më pozitive me fëmijët që luajnë videolojëra. Megjithatë, lojërat, të cilat njihen edhe si esports, po bëhen ”një rrugë” gjithnjë e më e pranuar për interesat e fëmijëve. Dhe, sipas një sondazhi të ri, një rrugë e mundshme karriere në të ardhmen.
Raporti, i cili u krye nga kompania e të mësuarit me bazë lojërash, Prodigy , shqyrtoi 1,000 prindër dhe përfundimisht tregon se perceptimet negative të esports tashmë janë një gjë e së kaluarës..
Çfarë realisht gjeti anketa?
Ndër gjetjet kryesore të sondazhit janë se:
- Prindërit kanë investuar deri në 3,000 dollarë në ambiciet e lojërave të fëmijëve të tyre, me shpenzimet mesatare prej 1,000 dollarësh.
- 2 në 5 prindër besojnë se sportet elektronike mund të ofrojnë një të ardhme më të kënaqshme sesa punët tradicionale (si për shembull puna si mësues ose avokat).
- 1 në 3 prindër besojnë se lojërat mund t’i ndihmojnë fëmijët e tyre të sigurojnë një bursë kolegji.
- Gjysma e prindërve mendojnë se videolojërat ndikojnë pozitivisht në shëndetin mendor dhe aftësitë sociale të fëmijëve të tyre.
Prindërit raportojnë se kanë vëzhguar disa përfitime të lojërave, si të menduarit më të mirë strategjik dhe zgjidhjen e problemeve, si dhe një aftësi të shtuar për të marrë vendime nën presion. Ata panë gjithashtu përmirësimin e aftësive të komunikimit dhe të punës në grup të fëmijës së tyre si rezultat i sporteve elektronike.
Jo vetëm që prindërit po bëhen gjithnjë e më të favorshëm ndaj lojërave për shkak të përfitimeve për shëndetin mendor të fëmijëve të tyre dhe aftësitë e përgjithshme njohëse, por ata gjithashtu raportojnë se pasioni i fëmijës së tyre për lojërat luajti gjithashtu një rol në ndryshimin e këndvështrimit e tyre për jetën.
Për më tepër, zgjerimi i mundësive për karrierë dhe bursat e kolegjit në fushën e lojërave kanë rritur gjithashtu interesin e prindërve. Veçanërisht, fëmijët deri në 11 vjeç thuhet se fitojnë qindra apo edhe mijëra dollarë në lojëra. Ndërkohë, fituesit kryesorë në esports fitojnë miliona duke luajtur lojëra të tilla si Fortnite.
Pas kërkimit
“Video-lojërat nuk shihen më si një kalim kohe boshe, thotë Joshua Prieur , EdD dhe drejtor i edukimit në Prodigy Education. “Në fakt, videolojërat janë treguar se nxisin një mentalitet rritjeje duke i mbajtur fëmijët të sfiduar pa u shqetësuar për dështimin.“
Dr. Prieur shton se prindërit janë gjithnjë e më të vetëdijshëm se ka më shumë mundësi në lojëra sesa të bëhen një lojtar profesionist i ESPORTS.
“Shumë lojtarë të rinj vazhdojnë të bëhen krijues lojërash, inxhinierë softuerësh ose dizajnerë, duke formësuar të ardhmen e argëtimit,” thotë ai. “Të tjerët gjejnë mundësi në transmetim, krijimin e përmbajtjes dhe stërvitje. Industria gjithashtu ka nevojë për analistë, organizatorë ngjarjesh dhe profesionistë të marketingut.”
Thënë kështu, Dr. Prieur pranon: “Është e kuptueshme që prindërit të jenë të kujdesshëm në lidhje me një karrierë në lojëra dhe nuk do të jetë e duhura për shumicën dërrmuese. Por kjo është gjithashtu e vërtetë për çdo sport që fëmijët tregojnë një pasion.”
Çfarë thonë ekspertët?
Ekspertët e lojërave dhe profesionistët e shëndetit mendor kanë marrë parasysh evolucionin e perceptimit të sporteve elektronike.
Siç pohon Bubba Gaeddert, drejtuese e ngjarjeve dhe pedagoge e lartë në Kolegjin e Esports në Londër, “Esports është rritur me shpejtësi gjatë dekadës së fundit dhe ne po shohim një ndryshim të vërtetë në mënyrën se si prindërit i shohin lojërat. Nuk është më vetëm një lojë argëtuese, ka poashtu një rrugë të mundshme për në kolegj, bursa të ndryshme dhe karrierë.”
Dr. Michael Kane, një psikiatër dhe shef mjekësor në Qendrën e Rimëkëmbjes në Indiana pajtohet se gjetjet e sondazhit përputhen me tendencat që ai sheh në klinikën e tij. “Prindërit në ditët e sotme ngrohen me lojën jo vetëm si një aktivitet rekreativ, por edhe si një disiplinë mësimi dhe zgjedhjeje karriere,” thotë ai, duke shtuar se ka parë një vlerësim në rritje për aspektet pozitive të lojërave.
Në të vërtetë, ekspertët për të cilët folëm më sipër, pajtohen se lojërat mund t’u ofrojnë fëmijëve përfitime të shumta – pavarësisht nëse ata aspirojnë një karrierë në esports apo jo – duke përfshirë këtu:
- Rritja e njohjes: Gaeddert përmend zgjidhjen e problemeve, vendimmarrjen dhe të menduarit strategjik si gjëra ”pro” të lojërave (konkurruese).
- Aftësi të përmirësuara sociale: Sipas Hallie Zwibel, DO , drejtoreshë e Qendrës për Mjekësinë Esport, “Lojërat mund t’u ofrojnë fëmijëve mundësi për t’u lidhur me bashkëmoshatarët përmes një interesi të përbashkët”. Duke shtuar se, “Një fëmijë me ankth social ose një që nuk i pëlqen sportet tradicionale mund të gjejë shoqëri dhe miqësi në mjedisin më të rehatshëm në një videolojë.”
- Mundësi të barabarta: “Ndryshe nga sportet tradicionale, lojërat janë të hapura për njerëzit e të gjitha aftësive. Është një nga format më gjithëpërfshirëse të konkurrencës,” thotë Gaeddert.
E pamohueshme është fakti që ka edhe anën negative, duke përfshirë:
- Sjellja dhe deformimi i trupit: “Lojtarët duhet të balancojnë kohën para ekranit me lëvizjen, shtrirjen dhe zakonet e shëndetshme”, thotë Gaeddert. Ai shton se shumë lojëra mund të ndikojë negativisht tek gjumi dhe fokusi.
- Izolim social: Dr. Kane vëren se koha e parregulluar e ekranit ka potencial të ndikojë në shëndetin social për shkak të mungesës së angazhimit në aktivitete sociale.
- Çështjet e sigurisë: “Prindërit duhet të jenë të vetëdijshëm për lojërat që luajnë fëmijët e tyre, të inkurajojnë biseda të hapura dhe të përdorin mjete për t’i monitoruar dhe mbrojtur ata,” këshillon Gaeddert, i cili gjithashtu përmend varësinë si një rrezik të mundshëm.
Bilanci është kyç
Për të zbutur çdo dëm që lidhet me lojërat, ekspertët theksojnë se ekuilibri është thelbësor kur një fëmijë tregon një pasion për lojërat.
“Prindërit duhet të inkurajojnë një qasje të ekuilibruar – duke vendosur kufij në orët e lojërave dhe duke siguruar që koha t’i kushtohet edhe detyrave të shkollës, aktivitetit fizik dhe ndërveprimeve ballë për ballë,” thekson Dr. Prieur.
Kelsey Falter, CEO dhe themelues i MOTHER Games është dakord. “Një mbështetje e tepërt në ekranet mund të çojë në djegie ose izolim social, ashtu si një mbi-angazhim ndaj çdo sporti të vetëm mund të rrezikojë tendosje fizike ose lëndim,” shpjegon ajo.
Në përgjithësi, siç tregon anketa, konsensusi është se prindërit po përballen me prevalencën e lojërave në jetën e fëmijëve tanë. “Ndërsa shoqëria anon më thellë në shtigje të reja për karrierë për të rinjtë – duke ripërcaktuar se si duket suksesi – prindërit po përshtaten me atë ndryshim”, pohon Falter.
Gaeddert u bën të ditur prindërve një gjë qetësuese: “Prindërit nuk duhet të kuptojnë plotësisht çdo lojë për të mbështetur interesin e fëmijës së tyre.” Dhe kjo i lejon shumë prej nesh të marrin një psherëtimë lehtësimi.
Burimi: Parents
Përktheu dhe përshtati në gjuhën shqipe: Prindërimi
