Udhëtimi akademik (edukativ) i çdo nxënësi është krejtësisht i veçantë, megjithatë të gjithë përballen me sfida të ngjashme, veçanërisht boshllëqe në të mësuar. Këto boshllëqe, zbrazëti në të mësuar, dallimi i asaj se çka di një nxënës dhe çfarë realisht duhet të dijë janë shqetësime jetike arsimore sot. Adresimi i këtyre boshllëqeve është thelbësor sepse ato pengojnë avancimin akademik të një nxënësi dhe besimin në vetvete e sigurinë e tij.
Ky artikull do të eksplorojë këto boshllëqe në të mësuar, llojet e tyre dhe arsyet pse krijohen këto boshllëqe apo zbrazëti. Ne do të diskutojmë mbi strategjitë për t’i identifikuar dhe adresuar këto zbrazëti në mënyrë efektive.
Çka quajmë boshllëk në të mësuar
Boshllëqet në të mësuar në arsim nënkuptojnë kur nxënësit nuk kanë mësuar diçka të caktuar të cilën duhej ta kishin mësuar në një pike të caktuar përgjatë arsimimit të tyre. Është sikur një pjesë që mungon nga ajo që ata dinë dhe mund të bëjnë. Mendojeni si një zbrazëti midis asaj se çfarë pritet të dijnë ata dhe çfarë ata realisht dijnë në një kohë specifike.
Për shembull, nëse një nxënës i klasës së tretë duhet të dijë mbledhjen dhe zbritjen, por ka probleme me to, atëherë mund të themi se ky nxënës ka një boshllëk mësimi në matematikë.
Boshllëqet në mësime mund të ndodhin për arsye të ndryshme dhe në çdo lëndë mësimore. Të kuptuarit e asaj se çfarë janë këto boshllëqe në mësime, ndihmon mësimdhënësit dhe prindërit të gjejnë mënyra për t’i ndihmuar nxënësit të mësojnë atë që nuk kanë arritur ta mësojnë me kohë.
| Boshllëqet në njohuri |
| Boshllëqet në komunikim |
| Boshllëqet (zbrazëtitë) në të mësuar |
| Boshllëqet rrethuese |
| Boshllëqet në aftësi |
Lloje të ndryshme të boshllëqeve në të mësuar në edukim ndikojnë në atë se sa mire mësojnë fëmijët. Kuptimi se sa ku janë këto hapësira boshllëqe, për të cilat duhet mësojnë më tepër, ndihmon në gjetjen e mënyrave të duhura për t’i ndihmuar këta nxënës. Më poshtë i keni llojet e tyre:
- Boshllëqet në njohuri
Kjo nënkupton kur nxënësit nuk kanë informacionin e duhur për të kuptuar një tematikë të re. Për shembull, nëse nxënësit nuk kanë mësuar shumëzimin bazë ata do të kenë probleme në matematikë më të avancuar si algjebra. Ky është një boshllëk i zakonshëm arsimor i fokusuar në plotësimin e njohurive që mungojnë.
- Boshllëqet në aftësi
Ndonjëherë, nxënësit e dinë teorinë, por u mungon praktika për t’i bërë gjërat mirë. Për shembull, një nxënës mund të dijë të shkruajë fjali, por e ka të vështirë të shkruajë një ese të plotë. Ky boshllëk në të mësuar ka të bëjë me dhënien e studentëve më shumë praktikë për të zhvilluar aftësitë e tyre.
- Boshllëqet në komunikim
Kjo nënkupton kur fëmijët kanë probleme në të kuptuarit dhe ndarjen e informacionit. P.sh Një fëmijë di të zgjidhë një problem në matematikë, por nuk di ta shpjegoj se si e ka zgjidhur. Tejkalimi i këtij boshllëku përfshin mësimin e nxënësve se si t’i shprehin qartë mendimet e tyre.
- Boshllëqe e hapësirës rrethuese
Këto boshllëqe ndodhin kur nxënësit nuk kanë një vend të duhur për të mësuar, si një dhomë të qetë apo edhe nuk kanë qasje në materialet shkollore. P.sh një nxënës mund të ketë probleme me kryerjen e detyrave nëse nuk ka hapësirën dhe qetësinë që i duhet. Për ta rregulluar këtë ne duhet t’i sigurojmë fëmijëve hapësirën e nevojshme pra, t’ia përmirësojmë kushtet për mësim.
Burimi: https://www.splashlearn.com/blog/how-to-identify-address-learning-gaps-in-classroom/
Përktheu: Albulena Limani, Prindërimi.com
